Pakistan Newsتازہ خبریں

خروٹ آباد واقعہ: کسی اہلکار کو فائرنگ کا حکم نہیں دیا، کمانڈنٹ ایف سی|اردو سکائی اخبار 7 جون 2011

خروٹ آباد واقعہ: کسی اہلکار کو فائرنگ کا حکم نہیں دیا، کمانڈنٹ ایف سی
Updated at 2230 PST
کوئٹہ…کوئٹہ میں خروٹ آباد واقعہ کی تحقیقات کیلئے قائم انکوائری ٹریبونل کی آج کی کارروائی میں تین مزید گواہوں کے بیانات قلمبند کرائے گئے ،گواہوں میں ایف سی کے کرنل فیصل شہزاد کے علاوہ دو دیگر ایف سی اہلکار شامل تھے ۔بلوچستان ہائی کورٹ کے جج جسٹس محمد ہاشم خان کاکڑ پر مشتمل انکوائری ٹریبونل کی کارروائی میں کرنل فیصل شہزاد کے علاوہ بیانات قلمبند کرانے والوں میں ایف سی کے اہلکار محمد ہاشم اور تاج الملک شامل تھے، ایف سی کے اہلکاروں کا اپنے بیانات میں کہنا تھا کہ خروٹ آباد واقعہ میں پہلے فائرنگ پولیس اہلکاروں نے کی، جبکہ کرنل فیصل شہزاد کا کہنا تھا کہ اگرچہ انہوں نے خود بھی غیر ملکیوں پر ایس ایم جی سے تین سے چار فائر کئے تھے، تاہم انہوں نے موقع پر کسی کو بھی فائرنگ کا حکم نہیں دیا تھا، ایف سی اہلکاروں نے از خود فائرنگ کی۔ کرنل فیصل نے اپنے بیان میں کہا کہ جب خروٹ آباد کا واقعہ پیش آیا تو صوبیدار نے بذریعہ موبائل انہیں اطلاع دی، اس کی اطلاع تھی کہ ہمارے چیک پوسٹ پر دھماکا ہوا ہے اور چاروں طرف سے فائرنگ ہورہی ہے، کرنل فیصل نے کہا کہ بوقت وقوعہ وہ غزہ بند اسکاوٹس ہیڈکوارٹر میں موجود تھے اور کمانڈنٹ کرنل نوید سے ان کی میٹنگ جاری تھی جب وہ جائے وقوع پر پہنچاتو تو چار پانچ افراد ایک دوسرے کے اوپر پڑے ہوئے تھے مذکورہ افراد بے سود تھے مجھے موقع پر کسی پولیس اہلکار نے نہیں بتایا کہ خیزی چیک پوسٹ پر آنے سے پہلے مذکورہ افراد کی تلاشی لی گئی۔ انھوں نے بتایا کہ وقعہ کے فورا بعد میں نے اس وقت کے سی سی پی کوئٹہ داؤد جونیجو کے ہمراہ صحافیوں سے بات چیت کی تاہم یہ یاد نہیں کہ میں نے میڈیا سے بات کرتے ہوئے یہ کہا ہو کہ دھماکے سے پہلے ہمارے جوانوں نے مذکورہ افراد کو اڑا دیا۔انھوں نے بتایا کہ مجھے علم نہیں ہے کہ خاتون کی لاش کو کس نے رسی سے باندھ کر کھینچا۔ انہوں نے کہا کہ جب وہ اپنے صوبیدار سے بات چیت کررہے تھے تو اس دوران فائرنگ شروع کردی میں نے چیک پوسٹ کے قریب جانے کی کوشش کی تو پولیس افسروں نے مجھے روک دیا، اور پولیس والوں کی طرف سے آواز آئی کہ مذکورہ دو افراد خودکش دھماکا کرنے جارہے ہیں چونکہ ایف سی اور پولیس اہلکار پہلے سے ہائی الرٹ تھے ،اسلئے انہوں نے فائرنگ شروع کر دی، ٹریبونل کے استفسار پر کرنل فیصل نے بتایا کہ بروز واقعہ خان شہید چیک پوسٹ پر سجاد نامی سپاہی تعینات تھا جو کہ وقوع میں فائرنگ سے شہید ہوگیا تھا، ایک موقع پر ٹریبونل کے جج جسٹس ہاشم خان کاکڑ نے کرنل فیصل سے استفسار کیا کہ ایف سی کوئٹہ میں کس کے حکم پرتعینات ہوتی ہے تو ان کا کہنا تھا کہ سیکرٹری داخلہ حکومت بلوچستان کے باقاعدہ طلب کرنے پر ہم نے ناکے اور چیک پوسٹ قائم کئے ہوئے ہیں۔ اس سے قبل ایف سی اہلکار محمد ہاشم نے بتایا کہ خروٹ آباد وقوع کے روز میں کلی خیزی چیک پوسٹ پر ڈیوی سرانجام دے رہا تھامیرے ہمراہ سپاہی رحمت اللہ بھی چیک پوسٹ کے اندر موجود تھا۔ اس دوران میں نے دیکھا کہ2مرد اور3عورتیں چیک پوسٹ کی طرف آرہے تھے، جب وہ نزدیک پہنچے تو میں نے رکنے کا حکم دیا۔ مذکورہ افراد کے پیچھے کافی پولیس والے بھی تھے رکنے کا بولنے کے باوجود پانچوں افراد نہ رکے مذکورہ افراد کے پیچھے کافی پولیس اہلکاربھی تھے،جونہی وہ ہمارے نزدیک پہنچے تو ایک دھماکا ہوگیااور ساتھ ہی پولیس والوں نے فائرنگ شروع کردی۔ٹریبونل کے سامنے ایف سی کے دوسرے گواہ سپاہی تاج الملک پیش ہوئے، انھوں نے بیان دیتے ہوئے کہا کہ بوقت وقوع میں اپنے کمرہ میں موجود تھا جوکہ جائے وقوع سے تقریباً 25 سے 30قدم کے فاصلے پر واقع ہے۔اسی دوران میں نے دھماکے کی آواز سنی، جس پرمیں بندوق سے مسلح ہوکرجائے وقوع پر پہنچا، فائرنگ رکنے کے بعد موقع پر موجود پولیس والوں سے رابطہ کیا،جس پر انہوں نے بتایا کہ مذکورہ افراد خود کش ہیں۔ بعد میں ٹریبونل نے ڈائریکٹر ایف آئی اے اور غیر ملکیوں کی لاشوں کا پوسٹ مارٹم کرنیوالے پولیس سرجن اور دیگر ڈاکٹروں کو اگلی کارروائی میں طلب کرتے ہوئے خروٹ آباد واقعہ کے ٹریبونل کی کارروائی جمعرات نو جون تک کیلئے ملتوی کرد ی۔
ملک کھلونا بن گیا،کبھی آمریت اورکبھی ٹوٹی پھوٹی جمہوریت،نوازشریف
Updated at 2020 PST
لاہور…مسلم لیگ ن کے قائدنواز شریف نے کہا ہے کہ ایبٹ آباد آپریشن سے متعلق کمیشن قائم نہ کرناافسوسناک ہے،مزید تاخیر برداشت نہیں کرینگے۔ لاہور جم خانہ کرکٹ کلب میں بچوں کے سمر کیمپ کے افتتاح کے موقع پر میڈیا سے گفتگو کرتے ہوئے نواز شریف نے کہا ایبٹ آباد
Updated at 2315 PST کھولتے تیل کی کڑا ہی میں ہا تھ ڈالنے والا جا دوگر با ورچی
Updated at 2305 PST وزیردفاع کی امریکی کانگریس کے وفد سے ملاقات
Updated at 2305 PST سیلز ٹیکس کا دائرہ 400 اشیا تک پہنچ چکا ہے، ایف بی آر
Updated at 2300 PST ٹریفک حادثے کے مرحومین اور کارکنوں کے لواحقین سے الطاف حسین کی تعزیت
Updated at 2250 PST امریکا پاکستان کی جوہری صلاحیت کو سبوتاژ کرنا چاہتا ہے،ایرانی صدر
Updated at 2240 PST سربجیت کو معاف کردو،پاک بھارت محبت بڑھے گی، بہن کی اپیل
Updated at 2220 PST حیدر آباد دکن میں مچھلی کے ذریعے دمے کامنفرد علاج
Updated at 2210 PST شیرپاؤکالونی کے پختون معززین کی متحدہ میں شمولیت کرلی
Updated at 2200 PST جامعہ کراچی:قانون کے امتحانی فارم بدھ تک جمع ہونگے
Updated at 2140 PST ری انجینئرنگ نمائش کاانعقاد الطاف حسین کے ویژن سے ممکن ہوا، ڈاکٹر صغیر
Updated at 2130 PST صحافی سلیم شہزاد کے قتل کی سپریم کورٹ سے تحقیقات کیلئے درخواست
Updated at 2110 PST شلپا شیٹی 8جون کو36برس کی ہوجائیں گی
Updated at 2100 PST آفریدی تنازع:عدالت کا فیصلہ قبول کیا جائیگا، پی سی بی