Pakistan Newsتازہ خبریں

ملک بھر میں یوم آزادی کی تقریبات،ہر طرف سبزہلالی پرچموں کی بہار |اردو سکائی اخبار 14 اگست 2011

ملک بھر میں یوم آزادی کی تقریبات،ہر طرف سبزہلالی پرچموں کی بہارnews
Updated at 1400 PST
کراچی…ملک بھر میں یوم آزادی کی تقریبات جوش و جذبے کے ساتھ منائی جارہی ہیں۔سبزہلالی پرچم کی بہاریں،ملی نغموں کی صدائیں اور پاکستان زندہ باد کے نعروں سے فضائیں گونج رہی ہیں۔حیدرآباد میں یوم آزادی کی مرکزی تقریب ضلع سیکریٹریٹ میں منعقد ہوئی جس میں ڈی سی او احمد بخش ناریجو نے پرچم کشائی کی۔جبکہ مختلف مقامات پر جشن آزادی کی رنگارنگ تقریبات جاری ہیں۔لاڑکانہ میں یوم آزادی کی تقریبات پولیس ٹریننگ اسکول گراوٴنڈ میں منعقد کی گئی۔تقریب میں اسپیکر سندھ اسمبلی نثار کھوڑو،صوبائی وزیر قانون ایاز سومرو اور ڈی سی او عبد العلیم لاشاری سمیت دیگر افسران اور شہری شریک ہوئے۔نواب شاہ کیڈی سی او آفس میں یوم آزادی کی تقریبات میں اسکولوں کے بچوں نے ٹیبلوز پیش کیے۔بدین میں یوم آزادی کی تقریب کے سلسلے میں ڈی سی او ڈاکٹر کاظم جتوئی نے قومی پرچم لہرایا اورپولیس کے دستوں نے فلیگ مارچ کیا۔سکھرکے جناح میونسپل اسٹیڈیم میں سنیٹر اسلام الدین شیخ نے قومی پرچم لہرا کر یوم آزادی کی تقریبات کا آغاز کیا۔خیرپور میں یوم آزادی کی مرکزی تقریب ناز پائلٹ سیکنڈری اسکول میں منعقد کی گئی ۔جیکب آباد کے ٹاوٴن ہال میں یوم آزادی کی تقریب منعقد کی گئی اورڈی سی او ساجد جمال ابڑو نے پرچم کشائی کی۔ملتان میں جشن آزادی کے موقع پر مختلف تقریبات منعقد کی گئیں۔کور ہیڈ کوارٹر میں پرچم کشائی کی تقریب میں شہداء کی خدمات پر خراج تحسین پیش کیا گیا۔بہاولپور میں یوم آزادی کی مرکزی تقریب صادق ڈین ہائی اسکول گراوٴنڈ میں ہوئی ۔سرگودھا کے جناح ہال میں پرچم کشائی کی گئی تقریب میں پولیس کے دستے نے سلامی بھی پیش کی۔بلوچستان کے ضلع چمن میں یوم آزادی کے موقع پرضلع کمپلکس میں صوبائی وزیر عبد خالق نے پرچم کشائی کی ۔حب میں اسسٹنٹ کمشنر فواد غفار سومرو نے قومی پرچم لہرا کر یوم آزادی کی تقریبات کا آغاز کیا۔نصیرآبادمیں کمشنر نصیرآباد حیدرعلی نے ڈیرہ مرادجمالی اور ڈپٹی کمشنر نصیرناصر نے ڈیرہ الہ یار میں یوم آزادی کے موقع پر پرچم کشائی کی۔وادی سوات میں جشن آزادی کی سب سے بڑی تقریب تحصیل میونسپل ہال مینگورہ میں ہوئی، پرچم کشائی ،بچوں کی جانب سے ملی نغمے اورٹیبلوز پیش کئے گئے تو شرکاء نے خوب داددی۔کوہاٹ ڈسٹرکٹ کونسل ہال میں یوم آزادی کی تقریب میں خواتین اور بچوں سمیت بڑی تعداد میں لوگوں کی شرکت کی۔مظفرآباد میں صدر آزاد کشمیر راجہ ذوالقرنین خان نے قومی پرچم لہرا کر جشن آزادی کی تقریب کا افتتاح کیا۔میرپورآزادکشمیر میں کمشنر ڈاکٹر محمودالحسن نے میونسپل کارپوریشن کے سبزہ زار میں پرچم کشائی کی۔گلگت کے تاریخی چنار باغ میں یوم آزادی کی تقریب میں گورنر پیر کرم علی شاہ نے پرچم کشائی کی اور شہدائے یادگار پر پھول چڑھائے ،تقریب میں وزیر اعلیٰ سید مہدی شاہ سمیت اعلیٰ افسران بھی شریک ہوئے۔کرم ایجنسی کے گورنر ہاوٴس پاراچنار میں یوم آزادی کی تقریبات میں قبائل ، علمائے دین ،امن جرگہ ممبران ، پولیٹیکل انتظامیہ اور سیکورٹی فورسز کے افسران اور اہلکاربھی شریک ہوئے۔
افغانستان خود کش حملے میں19ہلاک ، امریکی بھی ہلاک ہو ئے،طالبان
Updated at 1730 PST
کابل…افغانستان کے صوبے پروان میں گورنر ہاوٴس پر خودکش حملے میں انیس افراد ہلاک اور سینتیس زخمی ہوگئے۔ طالبان نے حملے کی ذمے داری قبول کرلی ہے۔ افغام حکام کے مطابق 6 خودکش حملہ آوروں نے مقامی وقت کے مطابق دن گیارہ بجے صوبہ پروان کے گورنر عبدالبصیر سالانگی کی …
متحدہ کی رابطہ کمیٹی کا لندن اور پاکستان میں مشترکہ ہنگامی اجلاس
Updated at 1945 PST
کراچی…پاکستان کے یوم آزادی پر ملک کی موجودہ سیاسی ومعاشی صورتحال کے حوالے سے ایم کیوایم کی رابطہ کمیٹی لندن اور پاکستان کا مشترکہ ہنگامی اجلاس ہوا جس میں اختلا فات کو بات چیت سے حل کرنے کا عہد کیا گیا۔ ایم کیو ایم اعلامیہ کے مطابق ملک کی مجموعی …
پاکستانیوں میں 1947 والا جذبہ موجود ہے،میاں نواز شریف
Updated at 1900 PST
لاہور…مسلم لیگ ن کے صدرمیاں محمد نواز شریف نے کہا ہے کہ میرا دل گواہی دیتا ہے کہ پاکستانیوں میں 1947 والا جذبہ موجود ہے اور آج کایہ جذبہ پاکستان کو بچانے اور اس کی تعمیر کا جذبہ ہے۔لاہور میں حضوری باغ میں خطاب کرتے ہو ئے سابق وزیر اعظم …
ڈیرہ اللہ یار :ہوٹل بم دھماکے میں ہلاک شدگان کی تعداد 14 ہوگئی
Updated at 1800 PST
جعفرآباد…جعفرآباد کے علاقے ڈیرہ اللہ یار میں ہوٹل میں ہونے والے بم دھماکے میں ہلاک ہونے والوں کی تعداد 14 ہوگئی، جبکہ 21زخمی اب بھی زیر علاج ہیں ۔پولیس کے مطابق ڈیرہ اللہ یار کے مقامی ہوٹل میں بیگ میں رکھے بھاری مقدار میں دھماکہ خیز مواد کو ریمورٹ کنٹرول …
 Updated at 2230 PSTبجلی کی دو دن سے معطلی کیخلاف مظاہرہ،سنگر چورنگی ٹریفک کیلئے بند
 Updated at 2215 PSTکراچی میں بدامنی : دعا اور دوا دونوں کررہے ہیں ،واجد درانی
 Updated at 2200 PSTمحکمہ ریلوے مایوسی کا عالم،مسافروں کو شدید اذیت کا سامنا
 Updated at 2115 PSTشام کے شہر لٹاکیہ میں سکیورٹی فورسز کی فائرنگ ،21 افراد ہلاک
 Updated at 2100 PSTبغداد: سڑک کے کنارے نصب بم دھماکے ، 5 سکیورٹی اہلکار ہلاک
 Updated at 2045 PSTجھنگ:مختلف واقعات میں تین خواتین قتل
 Updated at 2030 PSTیوم آزادی پر متحدہ کے مرکز نائن زیرو پر قومی پرچم کشائی
 Updated at 2015 PSTبلوچستان میں موسم ابر آلود،چند مقام پر بارش کا امکان
 Updated at 2000 PSTفیصل آباد: مکان سے دو روز پرانی پانچ لاشیں برآمد