Breaking News
Home / فن و فنکار / بازل آرٹ نمائش کا افتتاح

بازل آرٹ نمائش کا افتتاح

 

سوئٹزرلینڈ کے شہر بازل میں اس ہفتے ہونے والی آرٹ نمائش میں بلین ڈالر مالیت کے فن پاروں کی نمائش کی جائے گی۔

 

آرٹ بازل نامی یہ نمائش دنیا کی مؤقر ترین نمائشوں میں سے ایک ہے جہاں جدید اور عہدِ حاضر کے نایاب فن پاروں کی نمائش کی جاتی ہے۔ اس نمائش کا افتتاح آج بدھ کے روز سوئٹزرلینڈ کے شہر بازل میں ہوا۔ اس نمائش میں تین سو گیلریاں آرٹ کے فن پاروں کی نمائش کر رہی ہیں جن کی مالیت ایک اندازے کے مطابق پونے دو بلین ڈالر ہے۔

نمائش کے منتظمین کو امید ہے کہ اس برس نمائش میں بڑی تعداد میں لوگ آئیں گے اور اچھی خاصی تعداد میں فن پارے خریدے جائیں گے۔ سن دو ہزار نو میں اس حوالے سے صورتِ حال کچھ اچھی نہ تھی تاہم منتظمین کا خیال ہے کہ لوگ اس وقت کو فراموش کر چکے ہیں۔

اس نمائش میں تین سو گیلریاں آرٹ کے فن پاروں کی نمائش کر رہی ہیں جن کی مالیت ایک اندازے کے مطابق پونے دو بلین ڈالر ہےاس نمائش میں تین سو گیلریاں آرٹ کے فن پاروں کی نمائش کر رہی ہیں جن کی مالیت ایک اندازے کے مطابق پونے دو بلین ڈالر ہے

بازل میں یہ نمائش انیس جون کو اختتام پذیر ہو جائے گی۔ لندن میں بھی اس نوعیت کی ایک نمائش کا آغاز ہوگیا ہے جہاں اس بات کا زیادہ اچھے طریقے سے تعین ہو گا کہ لوگوں کی قوت خرید اس برس بہتر ہوئی ہے یا مزید خراب۔

لندن کی نمائش میں سو کے قریب فن پاروں کو امیر ترین کلیکٹرز اور سرمایہ کاروں کے لیے رکھا گیا ہے۔ ان فن پاروں میں مائکل اینجلو اور پکاسو جیسے مصوّروں کی تصاویر بھی رکھی گئی ہیں۔

منتظمین کو یہ بھی امید ہے کہ اس برس مغربی فن پاروں میں چینی سرمایہ کار اور کلیکٹرز بھی دلچسپی لیں گے۔ ماہرین کے مطابق حالیہ چند برسوں میں چینی شہریوں کی مغربی آرٹ میں دلچسپی میں اضافہ ہوا ہے۔ تاہم ماہرین کا یہ بھی کہنا ہے کہ اس حوالے سے بہت زیادہ پر امید ہونے کی بھی ضرورت نہیں ہے۔

 

dwd

About nice

Check Also

بہبود کے کاموں میں بڑھ چڑھ کر حصہ لیں

میری لینڈ مسلم کونسل کی صدر اِرما حفیظ نے کہا ہے کہ اُن کی تنظیم …

Leave a Reply

Your email address will not be published. Required fields are marked *