’ معاہدے کے بغیر بریگزٹ‘

برطانیہ نے ’ معاہدے کے بغیر بریگزٹ‘ کی تیاریاں شروع کردیں

برطانیہ کے سینئر وزرا کا کہنا ہے کہ اگر یورپی یونین نے بریگزٹ معاہدے پر دوبارہ مذاکرات نہ کیے تو حکومت 31 اکتوبر کو معاہدے کے بغیر یورپی بلاک چھوڑنے کی تیاری کررہی ہے۔

برطانوی خبررساں ادارے ‘ رائٹرز کی رپورٹ کے مطابق بریگزٹ کے حامی رہنما مائیکل گوو جنہیں بورس جانسن نے ’ بغیر معاہدے کے بریگزٹ ‘ کی تیاریوں کا انچارج بنایا ہے انہوں نے اخبار سنڈے ٹائمز میں لکھا کہ حکومت یورپی یونین سے ایک بہتر معاہدہ کرنے کی کوشش کرے گی۔

مائیکل گوو نے کہا کہ ’ ہم اب بھی امید کرتے ہیں یورپی یونین اپنا ذہن تبدیل کرلے لیکن ہمیں اس سوچ کے حوالے سے بھی کام کرنا ہے کہ وہ معاہدے میں تبدیل نہیں کریں گے‘۔

ان کا کہنا تھا کہ ’ معاہدہ نہ ہونا ایک حقیقت ہے اور ہمیں یقینی بنانا ہے کہ ہم اس کے لیے تیار ہوں‘۔

مائیکل گوو نے کہا کہ ’ بغیر معاہدے کے بریگزٹ کی تیاری حکومت کی اولین ترجیح ہے‘، انہوں نے مزید کہا کہ اس کی تیاریوں کے لیے ضروری رقم کو یقینی بنایا جائے گا‘۔

سنڈے ٹائمز نے یہ بھی رپورٹ کیا کہ 2016 میں یورپی یونین سے علیحدگی کے ریفرنڈم کے ماسٹر مائنڈ اور بورس جانسن کے معاون نے وزیراعظم کے مشیروں سے اجلاس میں بتایا کہ انہیں کسی بھی طریقے سے بریگزٹ پر عملدرآمد کرنا ضروری ہے۔

اخبار میں مزید کہا گیا کہ برطانوی وزرا 7 اکتوبر سے شروع ہونے والے ہفتے میں نوڈیل ایمرجنسی بجٹ پیش کرنے کی تیاریاں کررہے ہیں۔

موجوہ برطانوی وزیر خزانہ ساجد جاوید نے سنڈے ٹیلی گراف میں لکھا کہ انہوں نے محکمہ خزانہ کو بغیر معاہدے کے بریگزٹ کی تیاریوں کا حکم دیا تھا۔

انہوں نے کہا کہ ’ نئی عہدے کے پہلے روز میں میں نے عہدیداران کو جائزہ لینے کا حکم دیا جہاں زیادہ سرمایہ کاری کی ضرورت ہے تاکہ برطانیہ 31 اکتوبر کو معاہدے کے ساتھ یا بغیر یورپی یونین سے علیحدہ ہوجائے اور آئندہ ہفتے میں اس سلسلے میں نئی فنڈنگ کا اعلان کرنے والا ہوں‘۔

سابق وزیر داخلہ نے کہا کہ اس میں بارڈر فورس کے 500 افسران کے لیے فنڈنگ بھی شامل ہوگی۔

خیال رہے کہ 24 جولائی کو برطانیہ کے نومنتخب وزیر اعظم نے بورِس جانسن نے وعدہ کیا تھا کہ وہ 31 اکتوبر کے ‘بغیر کسی اگر مگر’ کے ‘بریگزٹ’ پر عملدرآمد کرکے شک کرنے والوں اور ناامیدوں کو غلط ثابت کریں گے۔

ان کا کہنا تھا کہ ‘ہم نیا معاہدہ کریں گے، ایک بہتر معاہدہ جس سے بریگزٹ سے پیدا ہونے والے مواقع بڑھ جائیں گے۔

Junaid

Committed individual adept in efficiently utilizing available resources in completing assigned tasks. Seeking an entry-level position as a fresh graduate of English Literature & Software Engineering, providing a high end administrative duty for the company.

Related Articles

جواب دیں

Back to top button