خدیجہ شاہ نظربندی معاملہ، ڈپٹی کمشنر کو تفصیلی رپورٹ جمع کروانے کا حکم
لاہور ہائی کورٹ کی جانب سے خدیجہ شاہ کی نظر بندی کے خلاف دائر درخواست پر تحریری حکم نامہ جاری کیا گیا ہے۔
جسٹس علی باقر نجفی نے خدیجہ شاہ کے شوہر جہانزیب امین کی درخواست پر تحریری حکم نامہ جاری کیا ہے۔
عدالت کے تحریری حکم نامے میں کہا گیا ہے کہ درخواست گزار کے مطابق ڈی سی لاہور نے انٹیلی جنس کمیٹی کی رپورٹ پر نظرِ بندی کا حکم دیا، درخواست گزار کے مطابق خدیجہ شاہ کی دو مقدمات میں ضمانت منظور ہو چکی، ڈپٹی کمشنر کو تفصیلی رپورٹ اور جواب کے لیے نوٹس کیا جاتا ہے۔
Related Posts
لاہور ہائی کورٹ نے اپنے تحریری حکم نامے میں ہدایت کی ہے کہ ڈپٹی کمشنر لاہور 22 نومبر کو تفصیلی رپورٹ اور جواب داخل کریں۔
یاد رہے کہ خدیجہ شاہ کے شوہر جہانزیب امین نے نظربندی کو چیلنج کر رکھا ہے۔
بشکریہ: سوشل میڈیا، انٹرنیٹ نیوز