اسلام آباد: گورنر پنجاب قاتلانہ حملے میں جاں بحق، حملہ آور گرفتار|اردو سکائی اخبار 4 جنوری 2011
اسلام آباد…گورنر پنجاب سلمان تاثیر کو سرکاری گارڈ نے اسلام آباد میں گولیاں مار کر قتل کر دیا ۔ صدر ، وزیراعظم اورمیاں نوازشریف نے اس واقعہ کی مذمت کرتے ہوئے افسوس کا اظہار کیا ہے ۔سلمان تاثیر آج شام اسلام آباد کے سیکٹر جی سکس تھری کی کوہسار مارکیٹ میں نجی دعوت پر گئے تھے ۔ وہ کھانے کے بعد ریسٹورنٹ سے باہر نکلے تو ایلیٹ فورس کے گارڈ ملک ممتاز حسین قادری نے انہیں گولیوں کا نشانہ بنایا۔ اسلام آباد پولیس کے مطابق سلمان تاثیر ، صوبائی سیکیورٹی میں آئے تھے تاہم وفاقی پولیس نے بھی انہیں سکیورٹی فراہم کی تھی ۔ فائرنگ کے بعد دیگر اہل کاروں نے حملہ آور گارڈ کو پکڑ لیا ۔ شدید زخمی سلمان تاثیر کو پولیس گاڑی میں پولی کلینک اسپتال پہنچایا گیا تاہم وہ جانبر نہ ہو سکے خالق حقیقی سے جاں ملے۔ اسپتال انتظامیہ کی ابتدائی رپورٹ کے مطابق سلمان تاثیر کو نو گولیاں لگیں ، ان میں چار گردن پر، تین سینے میں اور دو پیٹ میں لگیں ۔بعدازں سلمان تاثیر کی میت کو پمز اسپتال منتقل کیا گیا جہاں ان کا مکمل پوسٹ مارٹم کیا جارہا ہیجس کے مطابق سلمان تاثیر کے جس پر گولیاں کے ستائیس نشانات تھے جبکہ ان کے جسم سے بائیں گولیا ں نکالی گئی ہیں۔پیپلزپارٹی پنجاب کے سینئر رہنما راجا ریاض کے مطابق ان کی میت آج رات لاہور واپس لائی جائے گی اور کل گورنرہاؤس میں ان کی نماز جنازہ ہوگی۔دوسری جانب حملہ آور گارڈ ممتاز قادری کا تعلق ایلیٹ فورس راولپنڈی پولیس کے دستے سے ہے ۔ ملزم ممتاز قادری نے اعترافی بیان میں کہا ہے کہ ناموس رسالت قانون کو کالا قانون کہنے پر اس نے گورنر کو قتل کیا۔ صدر آصف زرداری ، وزیر اعظم یوسف رضا گیلانی ، مسلم لیگ ن کے قائد نواز شریف نے اس واقعہ کی مذمت کرتے ہوئے سلمان تاثیر کی موت پر دلی صدمے اور افسوس کا اظہار کیا ہے۔
لندن …متحدہ قومی موومنٹ کے قائد الطاف حسین نے صدرآصف علی زرداری کوفون کرکے ان سے گورنرپنجاب سلمان تاثیرکے بہیمانہ قتل کے واقعہ پر دلی افسوس کااظہارکیاہے۔ الطاف حسین نے صدرآصف زرداری سے دلی تعزیت کااظہارکرتے ہوئے کہاکہ یہ ایک بہت بڑااورقومی سانحہ ہے جس پرمجھے دلی صدمہ ہے ،مجھ
Related Posts
بشکریہ جنگ
بشکریہ جنگ