Pakistan Newsتازہ خبریں

الطاف حسین کی گرفتاری کی خبر بے بنیاد ہے،برطانوی ہائی کمشنر|اردو سکائی اخبار 29 اگست 2011

الطاف حسین کی گرفتاری کی خبر بے بنیاد ہے،برطانوی ہائی کمشنر
Updated at 1940 PST
اسلا م آباد…اسلام آباد میں متعین برطانوی ہائی کمشنر نے کہا ہے کہ متحدہ قومی موومنٹ کے قائد الطاف حسین کی نقل وحرکت محدود کرنے سے متعلق خبر میں کوئی حقیقت نہیں ،جبکہ انکی گرفتاری کی خبر بھی بے بنیاد اور جھوٹی ہے،اس حوالے سے یہاں میڈیا سے گفتگو کرتے ہوئے برطانوی ہائی کمشنر ایڈم تھامسن نے کہا کہ پاکستان کی سیاسی صورتحال انتہائی دلچسپ ہے اور میں اس سے انجوائے کررہا ہوں،ایک سوال پر ہائی کمشنر نے کہا کہ ایم کیو ایم کے مقتول رہنماء ڈاکٹر عمران فاروق کے قتل کی تحقیقات جاری ہیں۔انھوں نے کہا کہ ایم کیو ایم کے بانی کی جانب سے سابق برطانوی وزیراعظم ٹونی بلیئر کو لکھے گئے کسی خط کا ہمیں علم نہیں،نہ ہی ہمیں نسرین جلیل کے خط کے بارے میں کچھ پتہ ہے۔
کراچی سمیت سندھ کے مختلف علاقوں میں بارش
Updated at 2100 PST
کراچی…کراچی سمیت سندھ کے بیشتر علاقوں میں تیز ہواوٴں اور گرج چمک کیساتھ موسلا دھار بارش کا سلسلہ شروع ہوگیا ہے،محکمہ موسمیات نے اگلے چوبیس گھنٹوں کے دوران سندھ کے علاوہ پنجاب اور کشمیر میں بھی بارش کی پیش گوئی کی ہے۔محکمہ موسمیات کے مطابق گزشتہ چوبیس گھنٹوں کے دوران …
ذو الفقار مرزا کے الزامات کی مکمل تحقیقات ہونے چاہئیں،اسفند یار
Updated at 2045 PST
پشاور…عوامی نیشنل پارٹی کے سربراہ اسفندیارولی نے کہا ہے کہ ذوالفقار مرزا نے انتہائی سنگین الزامات عائد کئے ہیں جن کی مکمل تحقیقات ہونی چاہئیں، جبکہ ایم کیوایم کی قیادت کو چاہیے کہ پختونوں کو مطمئن کریں کہ وہ پختونوں کا خاتمہ نہیں چاہتے۔اسفندیارولی پشاور میں افطارڈنر کے موقع پر …
شہروں میں 10اوردیہات میں 16 گھنٹے تک کی لوڈ شیڈنگ
Updated at 1920 PST
لاہور…ملک بھر میں بجلی کا بحران جاری ہے، شارٹ فال دو ہزار نو سو ترپن میگا واٹ ہونے کے باعث لوڈ شیڈنگ کا سلسلہ جاری ہے۔ شہروں میں دس گھنٹے جبکہ دیہات میں سولہ گھنٹے تک کی لوڈ شیڈنگ کی جار ہی ہے۔پیپکو ترجمان کے مطابق اس وقت بجلی کی …
پتا کرنا ہے کہ مجرموں کی پشت پناہی کون کررہا ہے، چیف جسٹس
Updated at 1520 PST
کراچی…چیف جسٹس آف پاکستان جسٹس افتخارمحمد چوہدری نے کراچی میں بدامنی پر ازخود نوٹس کی سماعت کے موقع پر کہا ہے کہ عدالت جانناچاہتی ہے عوام کے بنیادی حقوق کی خلاف ورزی پر حکومت نے کیا اقدامات کئے اور لوگوں کو قتل کرنے والوں کی پشت پناہی کون کررہا ہے؟لارجربینچ نے اٹارنی جنرل سے دیگر انٹیلی جنس اداروں کی رپورٹ بھی طلب کرلی۔کراچی رجسٹری میں چیف جسٹس آف پاکستان جسٹس افتخار محمد چوہدری کی سربراہی میں پانچ رکنی بینچ نے کراچی میں بدامنی سے متعلق ازخود نوٹس کی سماعت کی۔اٹارنی جنرل مولوی انوارالحق نے عدالت میں ایف آئی اے، اسپیشل برانچ اور آئی بی کی رپورٹس پیش کیں اور آئی بی کی کچھ رپورٹس کو ریکارڈ کا حصہ نہ بنانے اور میڈیا میں نہ لانے کی درخواست کی۔ ریمارکس میں ان رپورٹ پر عدم اطمینان کا اظہار کرتے ہوئے چیف جسٹس آف پاکستان نے دیگر خفیہ اداروں کی رپورٹس طلب کرلیں جبکہ بینچ نے کہاکہ جب ان رپورٹس میں کوئی نئی بات نہیں اور دیگر کو ریکارڈ کا حصہ نہ بنایا جائے توعدالت کس طرح کوئی نتیجہ اخذ کریگی؟ دوران سماعت آئی جی سندھ واجد درانی نے پریزنٹیشن دی۔انہوں نے بتایا کہ 24جولائی سے 24 اگست تک 306 افراد قتل ہوئے اور 25 لاشیں ملیں، ان میں سے 17بوری بند اور آٹھ گلا کٹی لاشیں شامل ہیں۔ پولیس نے 332 مقدمات درج کئے۔آئی جی سندھ نے اعتراف کیا کہ کراچی کئی علاقے نو گو ایریاز ہیں۔انہوں نے بتایا 19 اگست کو 18 افراد اغوا ہوئے،جنہیں چھاپوں کے بعد چھڑایا گیا۔ چیف جسٹس نے استفسار کیا کہ کیا آپ نے پتہ چلایا کہ ان لوگوں کو اغوا کے بعد کہاں رکھا گیا۔اور آپ نے کسی مغوی کا بیان لیایا پتا چلایاکہ اغوا کارکون تھے۔جس پر آئی جی سندھ نے جواب دیاکہ رہا کرائے گئے مغوی خوفزدہ ہیں اور بیان دینے کے قابل نہیں ہیں۔.واجد درانی نے کہاکہ شہرمیں بھتے کا سلسلہ بارہ سال سے جاری ہے پہلے بھتہ خور اپنی کمیونٹی سے بھتہ لیتے تھے پھر دوسری کمیونٹی کے لوگوں نے بھی بھتہ لینا شروع کیا تو لوگ چیخ پڑے۔جسٹس امیر ہانی مسلم نے استفسار کیا کہ میٹھادر، کھارادر، جوڑیابازار کے علاقوں میں بھتے کی زیادہ شکایا ت ہیں متعلقہ تھانوں میں کوئی گرفتاری یا مقدمہ کیوں نہیں؟ایس ایچ اوز کیا کرتے ہیں؟جبکہ میڈیا کے مطابق آپ روز ایس ایچ اوزبھی تبدیل کررہے ہیں، اس سوال پرآئی جی سندھ نے بتایا کہ روز ایس ایچ اوز تبدیل نہیں ہوتے،بلکہ فیصلہ کیاگیا ہے کہ چھ ماہ سے پہلے کسی ایس ایچ او کو تبدیل نہیں کیا جائے۔ چیف جسٹس نے سوال کیا کہ ٹارچر سیل کن علاقوں میں ہیں ،جس پر آئی جی سندھ نے بتایاکہ پولیس کوکوئی ٹارچر سیل نہیں ملا تاہم رینجرز کولیاری میں ٹارچر سیل ملے ہیں۔ چیف جسٹس نے کہا کہ آپ کو ٹارچر سیلوں کا پتا نہیں ہے یا پتا کرنا ہی نہیں چاہتے۔آئی جی سندھ نے جواب میں کہا کہ کراچی میں تاجر کروڑوں روپے یومیہ بھتہ دیتے ہیں ، شکایت بھی کرتے ہیں لیکن کسی کے خلاف گواہی نہیں دیتے۔ چیف جسٹس نے پوچھا کیا کہ کراچی میں اسلحہ آتا کہاں سے ہے ،جس پر آئی جی نے بتایا کہ شہر میں ٹرینوں ، بسوں اور ٹرکوں کے علاوہ سمندر کے ذریعے بھی اسلحہ آنے کی اطلاعات ہیں۔ واجد درانی نے یہ بھی اعتراف کیا کہ کراچی میں نہ صرف لائٹ اور ہیوی مشین گنزبلکہ راکٹ لانچر اور اینٹی ایئر کرافٹ گنز بھی موجود ہیں۔آئی جی سندھ کی تفصیلی بریفنگ کے بعد چیف جسٹس آف پاکستان جسٹس افتخار محمد چوہدری نے حکم دیا کہ حکومت عوام کے بنیادی حقوق کی خلاف ورزی پر اپنے اقدامات سے آگاہ کرے اور بتایا جائے کہ کس طرح عوام کے مفادات کا تحفظ کیا جائے گا۔لارجر بنچ نے ریمارکس دیئے کہ عدالت حقائق جانناچاہتی ہے کہ کراچی میں بدامنی کی وجہ کیا ہے ا ور اس کی پشت پناہی کون کررہا ہے۔بعد میں سماعت منگل کی صبح تک ملتوی کردی گئی۔
ایم کیو ایم کے ساتھ ڈائیلاگ جاری رہیں گے،خورشید شاہ
Updated at 1440 PST
سکھر…وفاقی وزیر مذہبی امور سید خورشید احمد شاہ نے کہا ہے کہ ذوالفقار مرزا نے اپنے بیان میں جو الزامات لگائے ہیں ان الزامات سے حکومت اور ایم کیو ایم کے درمیان ڈائیلاگ متاثر نہیں ہو ں گے، کراچی میں دہشت گروں کے خلاف آپریشن بلاتفریق جاری رہے گا، وفاقی …
کراچی میں مشین گنز،راکٹ لانچرز اور اینٹی ایئرکرافٹ بھی ہیں،آئی جی سندھ
Updated at 1425 PST
کراچی…کراچی میں بدامنی کے خلاف چیف جسٹس آف پاکستان کی جانب سے ازخود نوٹس کی سماعت کے دوران آئی جی سندھ واجد علی درانی نے سپریم کورٹ کوبتایا کہ گزشتہ ایک ماہ میں 20 ملزمان گرفتارکئے گئے لیکن مدعیوں نے خوف کے باعث کسی کو شناخت نہیں کیا۔واجد درانی نے …
روپے کے مقابلے میں ڈالر تاریخ کی بلند ترین سطح پر
Updated at 1400 PST
کراچی… روپے کے مقابلے میں ڈالر تاریخ کی بلند ترین سطح پر آگیا۔ انٹر بینک مارکیٹ میں ڈالر 87 روپے 23 پیسے پر بند ہوا۔ فاریکس مارکیٹ ڈیلرز کے مطابق انٹر بینک مارکیٹ میں ڈالر کی طلب میں اضافہ رہا اور ٹریڈنگ کے دوران ڈالر 87 روپے 29 پیسے کی …
چیئرٹی میچ کھیلنے کیلئے 25 لاکھ ڈالر کے مطالبے کی خبر صحیح نہیں، ثانیہ مرزا
Updated at 1240 PST
دہلی…فارن ڈیسک…ٹینس کھلاڑی ثانیہ مرزا نے چیریٹی میچ کھیلنے کے لیے پاکستان ٹینس فیڈریشن سے 25 لاکھ ڈالر کے مطالبے کی خبر کو بے بنیاد قرار دے دیا۔ بھارتی اخبار ’ہندوستان ٹائمز‘ کے مطابق ثانیہ مرزا نے ان تما م رپورٹو ں کو بے بنیاد قرار دیا ہے کہ انہوں …
امریکا میں سمندی طوفان سے ہلاکتوں کی تعداد21ہو گئی
Updated at 0920 PST
نیویارک…امریکا میں سمندری طوفان شمال مشرقی ریاستوں کی جانب سے بڑھ رہا ہے۔ ہلاکتوں کی تعداد اکیس ہوگئی ہے۔ نیویارک کا سب وے سٹم سمیت نیوجرسی کے ایئرپورٹس آج سے کھول دیے جائیں گے۔صرف نیوجرسی میں ہی اربوں ڈالر کا نقصان رکارڈ کیا گیا ہے۔ شمالی کیرولینا سے اب تک …