وفاقی وزیر اقلیتی امور شہبازبھٹی کو فائرنگ کرکے قتل کردیاگیا|اردو سکائی اخبار 2 مارچ 2011
اسلام آباد… وفاقی وزیر اقلیتی امور شہباز بھٹی کو فائرنگ کرکے قتل کردیا گیا ہے۔پیپلز پارٹی سے تعلق رکھنے والے وفاقی وزیر اقلیتی امور شہباز بھٹی وفاقی دارالحکومت کے سیکٹر آئی ایٹ تھری میں واقع اپنی والدہ کے گھر سے سرکاری گاڑی نمبرجی وی 444میں دفتر جانے کیلئے نکلے تھے ، جب وہ50میٹر کے فاصلے پر ہی روز پلازہ کے سامنے پہنچے تو وہاں موجود نامعلوم حملہ آوروں نے ان کی گاڑی پر فائرنگ کر دی ، ان کو چہرے اور سینے پر گولیاں لگیں، جس میں وہ شدید زخمی ہوگئے ، ان کا ڈرائیور انہیں تشویشناک حالت میں الشفا اسپتال لے گیا ، جہاں وہ زخموں کی تاب نہ لاتے ہوئے چل بسے۔حملہ آور موقع سے فرار ہوگئے ہیں، جبکہ پولیس حکام نے جائے وقوعہ کا محاصرہ کرلیا ہے اور شواہد جمع کئے جارہے ہیں جبکہ علاقے کی ناکہ بندی کردی گئی ہے۔ عینی شاہدین کے مطابق حملہ آور نے ان کے ساتھ گاڑی میں موجود خاتون اور ڈرائیور کو باہر نکال کراندھا دھند فائرنگ کی۔ عینی شاہدین نے بتایا کہ یہاں پولیس اہلکار موجود ہوتے ہیں، تاہم آج کوئی اہلکار نظر نہیں آیا۔ حملہ آوروں نے جائے وقوع پر پمفلٹ پھینکے ہیں، جس پر فدائیان محمدﷺ ،تنظیم القاعدہ و تحریک طالبان پنجاب تحریر تھا، پمفلٹ پر مزید لکھا تھا کہ شریعت اسلامیہ میں گستاخ رسول ﷺ کے حکم صرف اور صرف قتل کا ہے۔ واضح رہے کہ ناموس رسالت ﷺ قانون کے حوالے سے انہیں دھمکیاں مل رہی تھیں۔وفاقی وزیر کے قریبی ذرائع کا کہنا ہے کہ ناموس رسالت ﷺ قانون کے حوالے سے انہیں دھمکیاں مل رہی تھیں، جس پرانہوں نے سکیورٹی اسکواڈ کیلئے درخواست بھی دے رکھی تھی۔ تاہم آئی جی اسلام آباد کاکہنا ہے کہ انہیں ایف سی اور پولیس کی دو سکیورٹی اسکواڈ فراہم کی گئیں تھیں، لیکن وفاقی وزیر نے ہدایت دے رکھی تھی کہ سکیورٹی اسٹاف دفتر میں موجود رہے۔
کراچی…امن کا نوبل انعام دینے والے نارویجن ادارے نے تصدیق کی ہے کہ اس سال کیلئے نامزدگیوں میں وکی لیکس سمیت عرب دنیا میں آنیوالے انقلاب سے جڑے افراد بھی شامل ہیں ۔ ناروے کے دارالحکومت اُوسلو میں نوبل انسٹی ٹیوٹ کے ڈائریکٹر Geir Lundestad نے فرانسیسی خبررساں ایجنسی کو
بنگلور…ورلڈ کپ کرکٹ کے 15ویں میچ میں آج انگلینڈ کا مقابلہ آئرلینڈ سے ہوگا۔ چنا سوامی اسٹیڈیم بنگلور میں ہونے والا یہ میچ جیو سوپر یہ میچ دوپہر 2بجے براہ راست نشر کرے گا۔ انگلینڈ کی کرکٹ ٹیم کے کپتان اینڈریو سٹراس نے کہا ہے کہ بھارت کے خلاف میچ
لندن …فارن ڈیسک… برطانیہ کی بااثر پارلیمانی کمیٹی نے مطالبہ کیا ہے کہ اگر افغان جنگ کے خاتمے کی کوئی راہ نکلنے کی امید ہے تو امریکا کو طالبان سے براہ راست بات کرنی چاہیے۔برطانوی خبر رساں ادارے’رائٹر‘ کے مطابق برطانوی پارلیمنٹ کی فارن افیئرز کمیٹی نے کہا ہے کہ
کراچی…وکی لیکس نے انکشاف کیا ہے کہ دو ہزار نو میں لیبیا کے حکمران کرنل معمر القذافی کے بیٹے سیف السلام قذافی نے امریکی سفیر سے ملاقات کے دوران کہا تھا کہ ایٹمی پروگرام کے تابوت میں آخری کیل ٹھوکنے کے باوجود واشنگٹن کی پابندیوں سے طرابلس اب تنگ آچکا
Related Posts
بشکریہ جنگ
بشکریہ جنگ