Pakistan Newsتازہ خبریں

ڈی جی رینجرز نے کراچی کو وزیرستان سے زیادہ خطرناک قرار دیدی|اردو سکائی اخبار 7 ستمبر 2011

ڈی جی رینجرز نے کراچی کو وزیرستان سے زیادہ خطرناک قرار دیدی
Updated at 2210 PST
کراچی…ڈی جی رینجرزسندھ میجر جنرل اعجاز چوہدری نے کراچی کو وزیرستان سے زیادہ خطرناک قرار دیدیا ہے انہوں نے یہ انکشافسپریم کورٹ کی جانب سے کراچی کی صورتحال پر ازخود نوٹس کی سماعت کے دوران چیف جسٹس افتخار محمد چوہدری کے روبرو کیا۔ڈی آئی جی پولیس نے عدالت کوبتایاکہ گلہ کٹی اور تشدد زدہ لاشیں ملنے پر دہشت گردی ایکٹ کے تحت مقدمات درج کر لئے گئے ہیں،جس پر چیف جسٹس نے کہا کہ ہم یہاں موجود ہیں اور اب تک لاشیں مل رہی ہیں۔ پولیس کواپنی ناکامی تسلیم کرنا چاہیے ،دہشت گردی کی دفعات لگانا کارکردگی نہیں ملزمان تک پہنچنا ضروری ہے انتظامیہ ڈلیور نہیں کرسکی ہے۔چیف جسٹس افتخارمحمدچوہدری نے پولیس افسران سے کہاکہ آپ مانتے کیوں نہیں کہ پولیس ناکام ہوگئی ہے۔ہم یہاں موجود ہیں لیکن لاشیں ملنے کا سلسلہ بند نہیں ہورہا،حکومت ناکام ہوچکی ہے۔سپریم کورٹ کی جانب سے کراچی کی صورتحال پر ازخود نوٹس کی سماعت کے دوران چیف جسٹس افتخار محمد چوہدری نے پولیس حکام سے سوال کیا کہ اب بھی لوگ آرہے ہیں کہ ان کے لوگ اغوا ہیں یہ سب کیسے رکے گا۔ڈی جی رینجرز اعجاز چوہدری نے عدالت کو بتایا کہ سیاسی اورلسانی جماعتوں کے عسکری گروپ شہر کی بدامنی میں ملوث ہیں،جرائم پیشہ افرادسیاسی جھنڈوں کی آڑ میں کارروائی کرتے ہیں۔ان کا کہنا تھاکہ کراچی کا مسئلہ وزیرستان سے زیادہ پیچیدہ ہے۔ رینجرز کراچی میں مستقل بنیادوں پر امن و امان کا مسئلہ حل کرسکتی ہے رینجرز کو دیئے گئے اختیارات امن و امان کے قیام تک جاری رہنا چاہئیں۔ڈی جی رینجرز نے عدالت کومزید بتایا کہ پہلے رینجرز کے اختیارات محدود تھے۔ اب سیاسی دفاتر میں پناہ لینے والے ملزمان اور ناجائز اسلحہ کے خلاف کارروائی کی جاسکتی ہے۔ڈی جی رینجرز نے کہا کہ شہر میں سیاسی جھنڈوں کا غلط استعمال کیا جاتا ہے اور جرائم پیشہ عناصراس کی آڑ لے کر کارروائیاں کرتے ہیں۔ ڈی جی رینجرز نے تجویز دی کہ شہر کے معززین کی باڈی بنائی جائے جو وزیر اعلیٰ کو جوابدہ ہواور یہ کمیٹی شہر میں امن و امان سے متعلق پروگیس رپورٹ ہر چھ ماہ میں چیف جسٹس سندھ ہائی کورٹ کو پیش کرے۔میجرجنرل اعجاز چوہدری نے کہا کہ امن وامان کے سلسلے میں فوجی حل عارضی ہے جبکہ سیاسی مذاکرات مستقل حل ہے۔چیف جسٹس نے سندھ حکومت کے وکیل عبدالحفیظ پیرزاہ سے کہا کہ کراچی میں امن وامان کاقیام سنجیدہ اور سنگین مسئلہ ہے جسے حل کرنا ضروری ہے جمعے تک سماعت کریں گے اورضرورت پڑی تومسئلے کے حل تک آتے رہیں گے۔سپریم کورٹ کی لارجر بنچ میں سماعت کے دوران کل متحدہ قومی موومنٹ کی جانب سے قاضی خالد علی ایڈوکیٹ دلائل دیں گے جبکہ اٹارنی جنرل مولوی انوارلحق نے بتایا کہ آئی ایس آئی کی جانب سے بھی کل لارجر بنچ کو بریفنگ دی جائے گی۔
دہلی میں زلزلے کے شدید جھٹکے،بھارتی دارالحکومت میں خوف و ہراس
Updated at 2324 PST
نئی دہلی…بھارتی دارلحکومت نئی دہلی میں زلزلے کے شدید جھٹکے محسوس کئے گئے ہیں، جس کے بعد لوگوں میں شدید خوف پایا جاتا ہے۔ بھارتی ٹی وی کے مطابق زلزلہ پیما پر زلزلے کے جھٹکوں کی شدت6اعشاریہ6تھی ۔زلزلے کے جھٹکوں کی شدت فرید آباد اور غازی آباد میں بھی محسوس …
محکمہ داخلہ سندھ نے گرفتار 42مبینہ ٹارگٹ کلرز کی فہرست جاری
Updated at 1930 PST
کراچی…محکمہ داخلہ سندھ نے 8 جون سے اب تک گرفتار کئے گئے مبینہ 42 ٹارگٹ کلرز کی فہرست جاری کردی ہے۔محکمہ داخلہ سندھ نے گرفتار کئے 42ٹارگٹ کلرزکی فہرست جاری کی ہے ،جن میں سے 13 ضمانت پررہاہوچکے ہیں جبکہ 19جیل میں ہیں،سات پولیس کی زیر حراست،ایک رینجرز کی تحویل …
ذوالفقار مرزا کے خلاف کارروائی شروع کردی ہے، منظور وسان
Updated at 1750 PST
کراچی…وزیرداخلہ سندھ منظوروسان کاکہناہے کہ ذوالفقار مرزا کے خلاف کارروائی شروع کردی گئی ہے،انفرادی بیان دینے والوں کے ساتھ پیپلز پارٹی کی وابستگی نہیں ہے۔انہوں نے کہاکہ رینجرزکواختیار دینے کے بعد کراچی میں امن کیلئے فوجی آپریشن کی ضرورت نہیں۔سندھ سیکریٹریٹ کراچی میں نیوزکانفرنس کرتے ہوئے صوبائی وزیرداخلہ نے بتایاکہ …
 Updated at 2330 PSTوفاقی حکومت نے غیرملکی این جی اوز کوکام سے روک دیا
 Updated at 2328 PSTپاکستان میں دراندازی روکنے کیلئے اقوام متحدہ سے نوٹس لینے کا مطالبہ
 Updated at 2322 PSTکراچی:ملیر میں مسلح افراد کی فائرنگ ،پولیس اہلکار جاں بحق
 Updated at 2320 PSTمتحدہ پر پابندی عائد کی جائے،مہاجر قومی مومنٹ