URDUSKY || NETWORK

امریکہ پاکستان اختلاف، دونوں ممالک کی سفارتی ناکامی

172
Farhat Abbas Shah

امریکہ، پاکستان ایک دوسرے کی سٹرٹیجک ضرورت ھونے کے باوجود کبھی اپنے دو طرفہ تعلقات متوازن نہیں رکھ سکے۔ پاکستانی حکومتوں کی ڈنگ ٹپاو پالیسیوں کے باعث ھونے والے قومی نقصانات تو واضح تھے ھی، امریکی مہم جوئی کے مضمرات بھی سامنے آ گئے ھیں۔ پاکستانی عوام سوچتے ھیں کہ افواج پاکستان کی طرف سے پاکیستان میں امریکی من مانیاں روکنے سے اور کچھ ھوا ھو یا نہ ھوا ھو کم از کم خود کش حملوں میں کمی ضرور ھوئی ھے۔ اگرچہ کراچی کے حالات اب بھی ایک بہت بڑا سوالیہ نشان ھے۔
دوسری طرف دن بہ دن خراب ھوتی ھی بین الاقوامی معیشت اب جنگی یا سازشی ھالات کی اجازت نہیں دیتی۔ آنے والے دن حالات میں مزید خرابی کی نشاندیہی کر رھے ھیں۔ ایک دو ممالک کو چھوڑ کر باقی ساری دنیا ایک گھمبیر اقتصادی صورتحال کا شکار نظر آ رہی ھے۔ گلوبل لیڈر ھونے کی وجہ سے امریکہ پہ ذمہ داری نسبتْا زیادہ عائید ھوتی ھے کہ وہ اپنے غیر پیداواری اخراجات ختم کرے اور سفارتی پالیسیوں میں بنیادی تبدیلی لائے۔ ویسے بھی چین کے مقابلے میں امریکی معاشی کمزوری کسی بہت بڑے عدم توازن کا پیش خیمہ بن سکتی ھے