پاکستان اور سری لنکا کے درمیان سیریز کا پہلا ون ڈے میچ بارش اور نیشنل اسٹیڈیم کی خراب آؤٹ فیلڈ کے سبب منسوخ کردیا گیا۔
پاکستان اور سری لنکا کے درمیان پہلا ون ڈے میچ آج کراچی کے نیشنل اسٹیڈیم میں ہونا تھا جس کے ساتھ ہی شہر قائد میں 10بعد ون ڈے انٹرنیشنل کرکٹ کی واپسی ہونی تھی۔
تاہم جمعہ کو شدید بارش کے بعد نیشنل اسٹیڈیم کی آؤٹ فیلڈ اور احاطے میں جمع ہونے والے پانی کو نہ نکالا جا سکا اور میدان کھیل کے قابل نہ ہو سکا جس کے بعد میچ کو منسوخ کرنے کا اعلان کردیا گیا۔
بارش کے سبب دونوں ٹیموں کے درمیان دوسرے ون ڈے میچ کا شیڈول بھی تبدیل کردیا گیا اور اتوار کو ہونے والا میچ اب پیر 30 ستمبر کو ہو گا۔
کراچی میں ہونے والی بارش کے بعد نیشنل اسٹیڈیم کا ایک منظر— فوٹو: اے ایف پی
کراچی میں بارش کے دوران قومی ٹیم کے کپتان سرفراز احمد اور دیگر کھلاڑی موسم سے لطف اندوز ہورہے ہیں— فوٹو: اے ایف پی
میچ دیکھنے لیے آئی خواتین شائقین کرکٹ کا اپنے ٹکٹ کے ہمراہ ایک انداز— فوٹو: اے پی
میچ دیکھنے کے لیے آنے والے شائقین اور اسکول کے بچے کراچی میں شدید بارش کے بعد جمع ہونے والے سے گزر کر اسٹیڈیم پہنچنے کی کوشش کر رہے ہیں— فوٹو: اے ایف پی
کراچی میں شدید بارش کے بعد نیشنل اسٹیڈیم میں جا بجا پانی بھر گیا تھا— فوٹو: رائٹرز
سری لنکن شائقین پہلے ون ڈے میچ میں اپنی ٹیم کو سپورٹ کرنے کے لیے اسٹیڈیم کی جانب رواں دواں ہیں— فوٹو: اے ایف پی
پہلا ون ڈے میچ منسوخ ہونے کے سبب سری لنکن کپتان لہیرو تھری مانے مایوس نظر آ رہے ہیں— فوٹو: اے ایف پی
نیشنل اسٹیڈیم کے باہر شائقین کے لیے نصب واک تھر گیٹ کے پاس بھی بارش کا پانی جمع ہو گیا تھا— فوٹو: اے ایف پی
پہلا ون ڈے میچ منسوخ کیے جانے کے بعد نیشنل اسٹیڈیم کا عملہ سامان سمیٹ رہا ہے— فوٹو: اے ایف پی