| لاہور…لاہور ہائی کورٹ نے حج کرپشن کیس میں سابق وفاقی وزیر مذہبی امور کی عبوری ضمانت قبل از گرفتاری منظور کر لی۔ عدالت نے حامد سعید کاظمی کو اسلام آباد ہائی کورٹ سے رجوع کرنے کی ہدایت کی ہے۔سابق وفاقی وزیر حامد سعید کاظمی نے درخواست میں موٴقف اختیار کیا تھا کہ حج کرپشن کیس میں تحقیقاتی اداروں سے تعاون کے باوجود ان کے وارنٹ گرفتاری جاری کر دیئے گئے۔ لاہور ہائی کورٹ نے سترہ فروری تک عبوری ضمانت منظور کرتے ہوئے حامدسعید کاظمی کو ملتان بنچ میں پچاس لاکھ روپے کے ضمانتی مچلکے جمع کرانے کی ہدایت کی۔ جیونیوزسے گفتگو میں حامد سعید کاظمی کا کہنا تھا کہ مخصوص لابی ان کے خلاف متحرک ہے۔ ان کے اکاؤنٹ کے حوالے سے ایف آئی اے کے بیانات میں تضاد ہے۔
بشکریہ جنگ |
