کالی اورلال مرچوں سے وزن میں کمی

سائنس و ٹیکنالوجی

واشنگٹن : موٹاپے میں مبتلا افراد وزن گھٹانے کے لیے نت نئے تجربات، ورزش اورادویات کے استعمال میں مشغول نظر آتے ہیں لیکن اب ایک گولی نے ان کی مشکلیں آسان کردیں ہیں۔ امریکی یونیورسٹی کے سائنسی ماہرین کی زیر نگرانی تیار ہونے والے کیپسی لیکس نامی اس کیپسول کی مدد سے بیٹھے بھٹائے کئی کلو وزن کم کیا جاسکتا ہے۔ کالی اور لال مرچ کے مرکب سے تیارکیے گئے ان کیپسول سے 80 منٹ کی چہل قدمی اور25 منٹ کی جاگنگ میں زائل ہونے والی کیلوریز بآسانی خرچ کی جاسکتی ہیں۔دن میں ایک بار کھائے جانے والے اس کیپسول کی پورے مہینے کی خوارک صرف 48 ڈالر میں خریدی جاسکتی ہے۔ واضح رہے کہ ہالی ووڈ کے کئی نامور ستارے بشمول بریڈ پٹ، جینیفر لو پیز اور برٹنی اسپیئر بھی وزن گھٹانے کے لیے ان کیپسول کا استعمال کرتے رہے ہیں۔

کاربن ڈا ئی آ کسا ئیڈ انجیکشن سے وزن کم کیا جا سکتا ہے

سائنس و ٹیکنالوجی

لندن : ایک حالیہ تحقیق میں ثا بت ہو ا ہے کہ کاربن ڈ ا ئی آکسا ئیڈ گیس کو وزن کم کر نے کے لیے بھی استعما ل کیا جا سکتا ہے ۔ اٹلی کے ماہرین کا کہنا ہے کہ کاربن ڈا ئی آ کسا ئیڈ جسم کے خلیو ں میں جذ ب ہو کر چکنا ئی کو گھلا دیتی ہے جبکہ خو ن کی رگیں پھیل جا تی ہیں اور زیادہ آ کسیجن جذ ب کر تی کر نے لگتی ہیں۔ ماہرین کے مطا بق نئے طریقہ علا ج Carboxytherapy میں ایک باریک انجکشن کے ذریعے کا ربن ڈا ئی آ کسا ئیڈ کو انسا نی جلد میں دا خل کر دیا جاتا ہے اور اس عمل میں صر ف چند سیکنڈز لگتے ہیں ۔ ماہر ین کا کہناہے کہ اس در یافت کے انتہا ئی مثبت نتا ئج سا منے آئے ہیں۔

سردرد کی اکثر اقسام کا آکسیجن تھراپی سے منٹوں میں خاتمہ ممکن:انتہائی جدید اور حیرت انگیز تحقیق

قرآن مجید میں ارشاد بار ی تعالیٰ ہے ؛
“وَإِذَا مَرِضْتُ فَهُوَ يَشْفِينِ”
اور جب میں بیمار پڑتا ہوں تو مجھے شفا بخشتا ہے (26:80)

تحریر و تحقیق: محمد الطاف گوہر
ایک نئی تحقیق میں انکشاف کیا گیا ہے کہ آکسیجن تھراپی جو کہ ایک طریقہ علاج ہے اسکے باعث بہت سی اقسام کے سر درد کا شافی علاج ہو سکتا ہے ، طبی ماہرین نے توقع ظاہر کی ہے کہ آکسیجن تھراپی (طریقہ علاج) کے ذریعے سردرد کی مختلف اقسام کا شافی علاج ممکن ہے اور مریض کو مختلف قسم کی درد ختم کرنے والی ادویات سے نجات مل جائے گی۔ جرنل آف دی امریکہ میڈیکل ایسوسی ایشن میں شائع ہونے والی اس طبی تحقیق میں سردرد کی درجنوں اقسام، ان کے دورانیے، اوقات کار اور وجوہات کا ذکر کیا گیا ہے اور ان دردوں کیلئے استعمال کی جانے والی ”پین کلر“ ادویات کے مضر اثرات کو بھی نمایاں کیا گیا ہے۔ ماہرین نے کہا ہے کہ آکسیجن گیس کے طریقہ علاج سے صرف 15 منٹ میں سردرد کی مختلف اقسام کو 78 فیصد تک دور کیا جا سکتا ہے اور اس طریقہ علاج کے مضر اثرات بھی نہیں ہوتے۔ ماہرین نے ابتدائی تجربات کے بعد امید ظاہر کی ہے کہ دنیا بھر میں لاکھوں سردرد کے مریضوں کیلئے یہ طریقہ کار بہت خوش آئند ثابت ہو سکتا ہے۔
آکسیجن تھراپی چند ایک ملتے جلتے طریقہ علاج کا مجموعہ ہے ، ان طریقہ کار میں آکسیجن کے انسانی جسم میں زیادہ سے زیادہ نفوذ پر توجہ دی جاتی ہے، کیونکہ ایک نارمل انسان اپنے سانس لینے کے عمل کے دوران 21 فیصد آکسیجن اور باقی دوسری گیسز کو اپنے پھیپھڑوں تک لیجاتا ہے جبکہ ان تھرا پیز کے ذریعہ سے آکسیجن 90 فیصد سے زیادہ پھیپھڑوں تک پہنچتی ہے جو کہ کمزور توجہ، اعصابی کمزوری ، نیند میں خلل، اعصابی خلل، آدھے سر کا درد ، ذہنی تناو ، دیرینہ کمزوری ، دوران خون کا خلل ، بلند فشار خون، دل کی بیماریاں ، جسمانی کمزوری ، خون میں کولیسٹرول کا زیادہ ہونا ،جنسی مسائل ، سنسناہٹ جیسے کانوں میں سیٹیوں کی آواز محسوس کرنا، نئی یا پرانی دردیں،نظام انہضام ، جگر کی بیماریاں ، ناک کان اور گلے کی بیماریاں، ہارمون کا عدم توازن،مختلف اقسام کی الرجی، پٹھوں اور جوڑوں کی تکالیف، بینائی کی تکالیف ، جلدی امراض اور بڑھاپے کی بیماریاں وغیرہ .
ان طریقہ کار میں اوزون تھراپی، ہائی پربا نیک آکسیجن چیمبر، آکسیڈیٹیو تھراپی H2O2، الٹرا وائلٹ بلڈ تھراپی اور آکسیجن بار وغیرہ شامل ہیں۔ ان تمام جدید طریقہ علاج میں مختلف آلات سے مدد لی جاتی مگر کچھ ایسے طریقہ کار بھی موجود ہیں جن میں کسی بھی آلہ کی ضرورت نہیں ،
جی ہاں!!!
میرے پچھلے کافی مضامیں مختلف طریقہ علاج پر لگ چکے ہیں جن میں بہت سی بیماریوں کے متبادل طریقہ علاج پر بحث شامل ہے البتہ “آکسیجن سے علاج” وہ طریقہ کار ہے وہ میسر آلہ جو میرا آزمودہ بھی ہے آپکی خدمت میں حاضر ہے، اب جبکہ سائنسی تحقیق نے پانی میں پتھر پھینک ہی دیا تو موجوں کو پر تیرنے کا مزہ کچھ اور ہے ، ایک مخصوص طرز تنفس، یعنی سانس لینے کے طریقہ کار کے باعث آپ وہ تمام فوائد حاصل کر سکتے ہیں جو کہ آکسیجن تھراپی کے مرہون منت ہیں۔ جی ہاں!! ، ایک آسان طریقہ کار تو یہ ہے کہ ” ایک گہرا سانس ” تازہ اور کھلی ہوا میں ۔ البتہ اگر بغرض علاج کسی مسلے کا شکار ہیں تو آپ مجھ سے رابطہ کر سکتے ہیں ،منٹوں میں آرام مگر آزمائش شرط ہے۔

دنیا بھر میں خواتین کی صحت کی دیکھ بھال کو نظر انداز کیا جارہاہے: عالمی ادارہٴ صحت

رپورٹ میں یہ انکشاف کیا گیا ہے کہ دنیا بھر کے معاشرے خواتین کو ان کی زندگی کے اہم مراحل میں ان کو درکار صحت کی دیکھ بھال کی سہولتیں فراہم کرنے میں ناکام ہیں، خاص طورپر بلوغت اور بڑھاپے کے ادوار میں۔

صحت اور سلامتی کیلئے خواتین کو وقت پر چیک اپ کرانا چاہیے

عالمی ادارہٴ صحت نے لڑکیوں اور خواتین کی صحت کو بہتر بنانے کے لیے ہنگامی اقدامات کی اپیل کی ہے۔ ڈبلیو ایچ او کی ایک نئی رپورٹ میں کہا گیا ہے کہ دنیا بھر میں لڑکیوں اور عورتوں کو معاشرے میں ان کو دیے گئے کمتر مقام کے باعث روا رکھے جانے والے تعصب کی بنا پر صحت کی وہ سہولتیں فراہم نہیں کی جاتیں جن کی انہیں ضرورت ہے۔
خواتین کو متاثر کرنے والے صحت کے مخصوص مسائل کے بارے میں مثلاً زچگی کے دوران دیکھ بھال وغیرہ کے بارےمیں کئی رپورٹیں شائع ہوچکی ہیں، لیکن یہ پہلا مطالعاتی جائزہ ہے جس میں صحت کے ان مسائل کا ایک مربوط انداز میں جائزہ لیا گیا ہے جو خواتین کو زندگی کے ان کے پورے دورانیے میں متاثر کرتے ہیں۔
رپورٹ میں یہ انکشاف کیا گیا ہے کہ دنیا بھر کے معاشرے خواتین کو ان کی زندگی کے اہم مراحل میں ان کو درکار صحت کی دیکھ بھال کی سہولتیں فراہم کرنے میں ناکام ہیں، خاص طورپر بلوغت اور بڑھاپے کے ادوار میں۔

جان ہے تو جہان ہے

عالمی ادارہٴ صحت کی ڈائریکٹر جنرل مارگریٹ چن نے کہا ہے کہ اس ناکامی کی کئی پیچیدہ وجوہات ہیں۔ لیکن انہوں نے کہا کہ اس مطالعاتی جائزےسے حاصل شدہ اعداد وشمار کے تجزیے سے یہ ظاہر ہوا ہے کہ خواتین کے خلاف جنسی تفریق اور خراب صحت کے درمیان براہ راست تعلق موجود ہے۔
انہوں نے کہا کہ جب تک خواتین کو دنیا کے اتنے بہت سے حصوں میں دوسرے درجے کا شہری سمجھا جائے گا، ان کی صحت میں کوئی نمایاں بہتری نہیں ہوگی۔
رپورٹ سے ظاہر ہوا ہے کہ دنیا بھر میں لگ بھگ سات کروڑ 30 لاکھ خواتین پر ہر سال ایک بار شدید ڈیپریشن کا حملہ ہوتا ہے۔
ڈبلیو ایچ او کے خواتین کی صحت سے متعلق شعبے کی ڈائریکٹر ٹونیا نیا گیرو کہتی ہیں کہ معاشرہ خواتین کو ہر عمر اور ان کی زندگی کے ہر مرحلے میں ناکامیوں سے دوچار کرتا ہے۔ وہ کہتی ہیں کہ لڑکیوں اور بڑی عمر کی خواتین کی صحت کی دیکھ بھال کو خاص طورپر نظر انداز کیا جاتا ہے۔
وہ کہتی ہیں کہ معمر خواتین کی موت کا ایک بڑا سبب دل کے امراض ہیں۔ دل کی بیماری کو عام طورپر مردوں کا مرض سمجھا جاتا ہے اور اکثر اوقات بڑی عمر کی خواتین کو اس لیے نظر انداز کردیا جاتا ہے کیونکہ ان کی علامات مختلف ہوتی ہیں اور ان کی بیماری کا جلدی پتا نہیں چلتا۔
رپورٹ میں کہا گیا ہے کہ دنیا بھر میں خواتین صحت کی نگہداشت کا بڑا حصہ فراہم کرتی ہیں، چاہے وہ گھر میں ہو، کمیونٹی میں ہو یا صحت کے نظام سے وابستہ ہو۔لیکن جب خواتین اپنی صحت کی دیکھ بھال کا مسئلہ سامنےآتا ہے، تورپورٹ میں کہا گیا ہے کہ ہمارا نظام خواتین کو ان کی پوری زندگی کے دوران ان کی مخصوص ضروریات اور چیلنجوں سے نمٹنے میں مسلسل ناکام ثابت ہورہاہے۔
بشکریہ DWD

ایڈز

سرخ فیتہ کا نشان ایڑز سے متاثرہ مریضوں کے ساتھ یکجہتی کے اظہار کے لیے استعمال کیا جاتا ہے

ایڈز ایک مہلک اور جان لیوا مرض ہے جس کا انکشاف 1981ء میں ہوا۔ قدرت نے انسانی جسم کو مختلف بیماریوں سے بچانے کے لیے ایک نہایت ہی مؤثر دفاعی نظام سے نوازا ہے جس کو مدافعتی نظام بھی کہتے ہیں. اسی کے طفیل جسم میں انسانی قوت مدافعت کار گزار ہوتی ہے۔ اس مدافعتی نظام میں خرابی کے باعث انسان مختلف قسم کی بیماریوں کا شکار ہو جاتا ہے۔

پھیلاؤ

ایڈز کا مرض ایک وائرس virus کے ذریعے پھیلتا ہے جو انسانی مدافعتی نظام کو تباہ کر کے رکھ دیتا ہے۔ اس کے حملے کے بعد جو بھی بیماری انسانی جسم میں داخل ہوتی ہے نہایت سنگین اور مہلک صورت حال اختیار کر لیتی ہے۔ اس جراثیم کو ایچ آئی وی (HIV) کہتے ہیں۔ اس کو انسانی جسم کے مدافعتی نظام کو ناکارہ بنانے والا وائرس بھی کہتے ہیں۔ ایڈز کا یہ وائرس زیادہ تر خون اور جنسی رطوبتوں میں پایا جاتا ہے۔ لیکن اس کے علاوہ یہ جسم کی دوسری رطوبتوں یعنی تھوک، آنسو، پیشاب اور پسینہ میں بھی پایا جاسکتا ہے۔ مگر تھوک، آنسو، پیشاب اور پسینہ بیماری پھیلانے کا باعث نہیں بنتے بلکہ یہ بیماری صرف خون اور جنسی رطوبتوں کے ذریعے ہی پھیلتی ہے۔

یہ وائرس کسی بھی متاثرہ شخص سے اس کے جنسی ساتھی میں داخل ہو سکتا ہے یعنی مرد سے عورت، عورت سے مرد، ہم جنس پرستوں میں ایک دوسرے سے اور متاثرہ ماں سے پیدا ہونے والے بچے میں جا سکتا ہے۔ جنسی پھیلاؤ ترقی یافتہ اور افریقی ممالک میں بیماری کے پھیلاؤ کا بڑا سبب ہے۔

خون سے ایڈز کا پھیلاؤ

خون کے اجزاء کے ذریعے ایڈز کی بیماری درج ذیل صورتوں میں پھیلتی ہے۔

• جب ایڈز کے وائرس سے متاثرہ خون یا خون کے اجزاء کو کسی دوسرے مریض میں منتقل کیا جائے۔

• جب ایڈز کے وائرس سے متاثرہ سرنج اور سوئیاں دوبارہ استعمال کی جائیں۔

• وائرس سے متاثرہ اوزار جلد میں چبھنے یا پیوست ہونے سے مثلا کان، ناک چھیدنے والے اوزار، دانتوں کے علاج میں استعمال ہونے والے آلات، حجام کے آلات اور جراحی کے دوران استعمال ہونے والے آلات۔

• ایڈز کا وائرس متاثرہ مان کے بچے میں حمل کے دوران، پیدائش کے وقت یا پیدائش کے بعد منتقل ہو سکتا ہے۔

• اگر کوئی بھی شخص اوپر بیان کیے گئے بیماری کے پھیلاؤ کے کسی ایک بھی طریقے سے گزرا ہو تو اس کو ایڈز کے جراثیم متاثر کر سکتے ہیں خواہ وہ کسی بھی عمر اور جنس کا ہو۔

علامات

ایڈر کی علامات ظاہر ہونے سے پہلے اس کا وائرس انسانی جسم میں کئی مہینوں یا برسوں تک رہ سکتا ہے۔ کسی شحض کے ایڈز کے جراثیم کی اینٹی باڈیز (Antibodies) اس سے متاثر ہونے کے چھ ہفتے یا اس سے زیادہ عرصہ میں بنتی ہیں۔ جسم میں ایڈز کے جراثیم کی موجودگی معلوم کرنے کے لیے خون میں اینٹی باڈیز کی موجودگی کو ٹسٹ test کیا جاتا ہے۔ بد قسمتی سے یہ اینٹی باڈیز کسی کو بھی یہ بیماری پیدا ہونے سے نہیں بچا سکتیں۔ جس کسی میں بھی ایڈز کا یہ وائرس داخل ہو جاتا ہے وہ اس کو دوسرے میں منتقل کرنے کی صلاحیت رکھتا ہے۔ یہ صلاحیت بیماری کے شروع میں یا بیماری کے آخر میں بہت زیادہ ہو جاتی ہے۔

ابتدائی علامات

شروع میں غیر محسوس معمولی زکام کی بیماری ہو سکتی ہے۔ جس پر عموما دھیان نہیں دیا جاتا۔ جس کے بعد مریض مہینوں یا برسوں تک بالکل ٹھیک نظر آ سکتا ہے۔ رفتہ رفتہ وہ مکمل ایڈز کا مریض بن جاتا ہے۔

بڑی علامات

ایڈز کے مریض کی بڑی علامات درج ذیل ہیں۔

• مختصر عرصہ میں جسم کا وزن دس فیصد سے زیادہ کم ہو جانا۔

• ایک مہینے سے زیادہ عرصہ تک اسہال رہنا

• بخار کا ایک مہینے سے زیادہ عرصہ تک رہنا

• اس کے علاوہ بھی کی نشانیاں ہیں لہذا مستند ڈاکٹر کے پاس جا کر مکمل ایڈز کے ٹیسٹ کروانے چائیں۔

احتیاطی تدابیر

ایڈز سے بچنے کے لیے درج ذیل احتیاط تبدابیر کرنی چاہیں:۔

• ہمیشہ اپنے جیون ساتھی تک محدود رہیں

• جنسی بے راہروی سے بچیں

• اگر دونوں جنسی ساتھیوں میں سے کوئی ایک بھی ایڈز کا مریض ہو تو ڈاکٹر کے مشورے سے غلاف کا صحیح استعمال کرنا چائیے۔

• اگر ٹیکہ لگوانا ضروری ہو تو ہمشیہ غیر استعمال شدہ نئی سرنج کے استعمال پر اصرار کریں۔

• خون کا انتقال تب کروائیں جب اس کی اشد ضرورت ہو۔

• اگر زندگی بچانے کے لیے خون کا انتقال ضروری ہو تو اس بات کا یقین کر لیں کہ انتقال کیا جانے والا خون ایڈز اور یرقان وغیرہ کے وائرسز سے مکمل طور پر پاک ہو۔

مدافعتی کیمیکل کی تیاری

2005ء کے آخر تک دنیا میں فی ملک بالغ نوجوان جو کہ ایڈز سے متاثر ہیں۔

1989ء میں سان فرانسسکو کے سائنس دانوں نے ایڈز کے خلاف ایک مدافعتی کیمیکل تیار کیا تھا۔ دسمبر 1995ء میں امریکن یونیورسٹی آف میری لینڈ کے سائنسدانوں کی ایک جماعت نے انسانی خلیوں کی مدد سے ایک قدرتی کیمیکل سی ڈی 8 ایس تیارکیا ہے جس میں ایڈز کے خلاف مدافعت کی بھرپور طاقت موجود ہے۔ لیکن مکمل طور پر کامیابی نہیں ہو سکی۔

کچھ حقائق

• دنیا بھر میں ہر نو ماہ کے بعد ایڈز کے مریضوں کی تعداد دو گنا ہو جاتی ہے۔

• افریقہ میں یہ بیماری سینکڑوں سال پہلے موجود تھی جو سبز بندروں سے پھیلی۔

• اس وقت دنیا پھر میں ایڈز کے مریضوں کی تعداد دو کروڑ سے زیادہ ہے۔ ان میں اکثریت خواتین کی ہے۔

• دنیا پھر میں ہر روز چھ ہزار سے زائد افراد اس بیماری سے متاثر ہو رہے ہیں۔

• ایڈز کا عالمی دن یکم دسمبر کو منایا جاتا ہے۔

• پاکستان میں اکتوبر 1993ء میں ایچ آئی وی پازیٹو کے مریضوں کی تعداد 251 تھی جو کہ 1998ء میں بڑھ کر 1262ء ہو گئی تھی۔

بشکریہ وکیپیڈیا

جاپانی سائنسدانوں نے وٹامن ای کے اضافی استعمال اور اوسٹیوپوروسز یا ہڈیوں کی بافتوں کے ضیاع کے مابین پائے جانے والے ربط کا پتہ چلا لیا ہے۔

جاپان میں طبی ماہرین نے ایک ایسی تحقیق کی ہے جس میں فوڈ سپلیمنٹس کے استعمال پر روشنی ڈالنے میں غیر معمولی مدد ملے گی۔ ان سائنسدانوں نے اپنی ریسرچ میں پتہ چلایا ہے کہ تیزی سے پھیلنے والی ہڈیوں کی بیماری اوسٹیوپوروسز کا تعلق وٹامن E کے اضافی استعمال سے ہے۔ اس عارضے کے شکار افراد کی ہڈیاں کمزور ہونا شروع ہو جاتی ہیں، یہاں تک کہ ہڈیوں کی بافتوں کا ضیاع چھوٹی ہڈیوں کی شکست و ریخت پر منتج ہو سکتا ہے۔

سائنسدانوں نے یہ تجربہ چوہوں پر کیا۔ چوہوں کو وٹامن ای کی اتنی ہی اضافی خوراک دی گئی جتنی کہ کسی فوڈ سپلیمنٹ میں ہوتی ہے۔ ماہرین کو پتہ یہ چلا کہ اضافی وٹامن E کے سبب چوہوں کی ہڈیاں سوکھنا شروع ہو گئیں۔ ایسے چوہوں کو آٹھ ہفتے تک ان کی معمول کی غذا میں پائے جانے والے وٹامن E کی مقدار سے کہیں زیادہ یعنی سپلیمنٹ کی مقدار کے برابر وٹامن ای دیا جاتا رہا۔ اس کے نتیجے میں ان چوہوں کو اوسٹیوپوروسز یا ہڈیوں کی بافتوں کے ضیاع کا عارضہ لاحق ہو گیا۔ اس تحقیق سے متعلق رپورٹ نیچر میڈیسن نامی تحقیقی جریدے میں شائع ہوئی ہے۔

ماہرین کی ٹیم کے سربراہ اور کائیو یونیورسٹی کے ایک طبی محقق شو تاکیدا کا کہنا ہے کہ وٹامن ای ہڈیوں کو برباد کرنے والے خلیوں کی پیدائش کے عمل کو بہت تیز کر دیتا ہے۔ عام طور پر وٹامن ای ہڈیوں کی ساخت بنانے والے ان سیلز کی پیدائش میں مدد گار ثابت ہوتا ہے جو ہڈیوں کو مضبوط رکھتے ہیں۔

اوسٹیوپوروسز کے عارضے میں ہڈیوں کے ٹشوز یا بافتے پتلے ہونا شروع ہو جاتے ہیں اور وقت کے ساتھ ساتھ ہڈیاں کھوکھلی ہونے لگتی ہیں۔ ایسا زیادہ تر معمر افراد کے ساتھ ہوتا ہے، خاص طور سے خواتین میں یہ مرض تیزی سے شدت پکڑتا ہے یہاں تک کہ ان کی ہڈیاں ٹوٹنے کا عمل شروع ہو جاتا ہے۔

وٹامن ای قدرتی طور پر مختلف غذاؤں میں پایا جاتا ہے۔ ان میں ویجیٹیبل آئل، مختلف قسم کے جوس یا بادام اور پتے والی چند سبزیاں بھی شامل ہیں۔ اس وٹامن کو بہت سے مقبول ہیلتھ سپلیمنٹس میں بھی استعمال کیا جاتا ہے اور ان کے بارے میں خیال کیا جاتا ہے کہ یہ صحت افزا ہیں اور صحت کے گونا گوں مسائل، خاص طور سے ڈھلتی ہوئی عمر کے اثرات کو روکنے میں مدد دیتے ہیں۔

جاپانی محققین نے وٹامن ای کے بڑھی ہوئی مقدار اور اس کے انسانی صحت پر اثرات سے متعلق مزید تحقیق کی ضرورت پر بھی زور دیا ہے۔

Thanks dw-world

ویسے تو زیادہ چائے پینا صحت کے لئے صحیح نہیں ہوتا مگر سبز چائے پینے والے افراد سن لیں کہ ان کی یہ عادت ان کے لئے مفید ہے۔ تحقیق کاروں کے مطابق سبز چائے کے استعمال سے مختلف بیماریوں

سے بچا جا سکتاہے ۔ سبز چائے دنیا میں پی جانے والی زیادہ تر مشروبات میں سے ایک ہے ۔ طبی ماہرین کے مطابق سبز چائے کا استعمال انسانی صحت کے لئے بہت ہی مفید ہے ، اس کے استعمال سے مختلف بیکٹیریا اور وائرس سے بچاؤ ہوتی ہے ، سبز چائے دل ، ذیابطیس کینسر جیسے بیماریوں سے بھی تحفظ کر سکتی ہے ۔جاپانی طبی ماہرین کے مطابق سبز چائے وزن گھٹانے کے لئے بھی بہت مفید ہے ۔ روزانہ پانچ کپ سبز چائے کے پینے سے 70 سے 80کیلوریز استعمال ہوتی ہیں۔ ہانگ کانگ کے چینی طبیتحقیق کاروں کے مطابق سبز چائے کااستعمال آنکھوں کے لئے بھی مفید ہے۔

بشکریہ: جنگ

ایڈز

سرخ فیتہ کا نشان ایڑز سے متاثرہ مریضوں کے ساتھ یکجہتی کے اظہار کے لیے استعمال کیا جاتا ہے

ایڈز ایک مہلک اور جان لیوا مرض ہے جس کا انکشاف 1981ء میں ہوا۔ قدرت نے انسانی جسم کو مختلف بیماریوں سے بچانے کے لیے ایک نہایت ہی مؤثر دفاعی نظام سے نوازا ہے جس کو مدافعتی نظام بھی کہتے ہیں. اسی کے طفیل جسم میں انسانی قوت مدافعت کار گزار ہوتی ہے۔ اس مدافعتی نظام میں خرابی کے باعث انسان مختلف قسم کی بیماریوں کا شکار ہو جاتا ہے۔

پھیلاؤ

ایڈز کا مرض ایک وائرس virus کے ذریعے پھیلتا ہے جو انسانی مدافعتی نظام کو تباہ کر کے رکھ دیتا ہے۔ اس کے حملے کے بعد جو بھی بیماری انسانی جسم میں داخل ہوتی ہے نہایت سنگین اور مہلک صورت حال اختیار کر لیتی ہے۔ اس جراثیم کو ایچ آئی وی (HIV) کہتے ہیں۔ اس کو انسانی جسم کے مدافعتی نظام کو ناکارہ بنانے والا وائرس بھی کہتے ہیں۔ ایڈز کا یہ وائرس زیادہ تر خون اور جنسی رطوبتوں میں پایا جاتا ہے۔ لیکن اس کے علاوہ یہ جسم کی دوسری رطوبتوں یعنی تھوک، آنسو، پیشاب اور پسینہ میں بھی پایا جاسکتا ہے۔ مگر تھوک، آنسو، پیشاب اور پسینہ بیماری پھیلانے کا باعث نہیں بنتے بلکہ یہ بیماری صرف خون اور جنسی رطوبتوں کے ذریعے ہی پھیلتی ہے۔

یہ وائرس کسی بھی متاثرہ شخص سے اس کے جنسی ساتھی میں داخل ہو سکتا ہے یعنی مرد سے عورت، عورت سے مرد، ہم جنس پرستوں میں ایک دوسرے سے اور متاثرہ ماں سے پیدا ہونے والے بچے میں جا سکتا ہے۔ جنسی پھیلاؤ ترقی یافتہ اور افریقی ممالک میں بیماری کے پھیلاؤ کا بڑا سبب ہے۔

خون سے ایڈز کا پھیلاؤ

خون کے اجزاء کے ذریعے ایڈز کی بیماری درج ذیل صورتوں میں پھیلتی ہے۔

• جب ایڈز کے وائرس سے متاثرہ خون یا خون کے اجزاء کو کسی دوسرے مریض میں منتقل کیا جائے۔

• جب ایڈز کے وائرس سے متاثرہ سرنج اور سوئیاں دوبارہ استعمال کی جائیں۔

• وائرس سے متاثرہ اوزار جلد میں چبھنے یا پیوست ہونے سے مثلا کان، ناک چھیدنے والے اوزار، دانتوں کے علاج میں استعمال ہونے والے آلات، حجام کے آلات اور جراحی کے دوران استعمال ہونے والے آلات۔

• ایڈز کا وائرس متاثرہ مان کے بچے میں حمل کے دوران، پیدائش کے وقت یا پیدائش کے بعد منتقل ہو سکتا ہے۔

• اگر کوئی بھی شخص اوپر بیان کیے گئے بیماری کے پھیلاؤ کے کسی ایک بھی طریقے سے گزرا ہو تو اس کو ایڈز کے جراثیم متاثر کر سکتے ہیں خواہ وہ کسی بھی عمر اور جنس کا ہو۔

علامات

ایڈر کی علامات ظاہر ہونے سے پہلے اس کا وائرس انسانی جسم میں کئی مہینوں یا برسوں تک رہ سکتا ہے۔ کسی شحض کے ایڈز کے جراثیم کی اینٹی باڈیز (Antibodies) اس سے متاثر ہونے کے چھ ہفتے یا اس سے زیادہ عرصہ میں بنتی ہیں۔ جسم میں ایڈز کے جراثیم کی موجودگی معلوم کرنے کے لیے خون میں اینٹی باڈیز کی موجودگی کو ٹسٹ test کیا جاتا ہے۔ بد قسمتی سے یہ اینٹی باڈیز کسی کو بھی یہ بیماری پیدا ہونے سے نہیں بچا سکتیں۔ جس کسی میں بھی ایڈز کا یہ وائرس داخل ہو جاتا ہے وہ اس کو دوسرے میں منتقل کرنے کی صلاحیت رکھتا ہے۔ یہ صلاحیت بیماری کے شروع میں یا بیماری کے آخر میں بہت زیادہ ہو جاتی ہے۔

ابتدائی علامات

شروع میں غیر محسوس معمولی زکام کی بیماری ہو سکتی ہے۔ جس پر عموما دھیان نہیں دیا جاتا۔ جس کے بعد مریض مہینوں یا برسوں تک بالکل ٹھیک نظر آ سکتا ہے۔ رفتہ رفتہ وہ مکمل ایڈز کا مریض بن جاتا ہے۔

بڑی علامات

ایڈز کے مریض کی بڑی علامات درج ذیل ہیں۔

• مختصر عرصہ میں جسم کا وزن دس فیصد سے زیادہ کم ہو جانا۔

• ایک مہینے سے زیادہ عرصہ تک اسہال رہنا

• بخار کا ایک مہینے سے زیادہ عرصہ تک رہنا

• اس کے علاوہ بھی کی نشانیاں ہیں لہذا مستند ڈاکٹر کے پاس جا کر مکمل ایڈز کے ٹیسٹ کروانے چائیں۔

احتیاطی تدابیر

ایڈز سے بچنے کے لیے درج ذیل احتیاط تبدابیر کرنی چاہیں:۔

• ہمیشہ اپنے جیون ساتھی تک محدود رہیں

• جنسی بے راہروی سے بچیں

• اگر دونوں جنسی ساتھیوں میں سے کوئی ایک بھی ایڈز کا مریض ہو تو ڈاکٹر کے مشورے سے غلاف کا صحیح استعمال کرنا چائیے۔

• اگر ٹیکہ لگوانا ضروری ہو تو ہمشیہ غیر استعمال شدہ نئی سرنج کے استعمال پر اصرار کریں۔

• خون کا انتقال تب کروائیں جب اس کی اشد ضرورت ہو۔

• اگر زندگی بچانے کے لیے خون کا انتقال ضروری ہو تو اس بات کا یقین کر لیں کہ انتقال کیا جانے والا خون ایڈز اور یرقان وغیرہ کے وائرسز سے مکمل طور پر پاک ہو۔

مدافعتی کیمیکل کی تیاری

2005ء کے آخر تک دنیا میں فی ملک بالغ نوجوان جو کہ ایڈز سے متاثر ہیں۔

1989ء میں سان فرانسسکو کے سائنس دانوں نے ایڈز کے خلاف ایک مدافعتی کیمیکل تیار کیا تھا۔ دسمبر 1995ء میں امریکن یونیورسٹی آف میری لینڈ کے سائنسدانوں کی ایک جماعت نے انسانی خلیوں کی مدد سے ایک قدرتی کیمیکل سی ڈی 8 ایس تیارکیا ہے جس میں ایڈز کے خلاف مدافعت کی بھرپور طاقت موجود ہے۔ لیکن مکمل طور پر کامیابی نہیں ہو سکی۔

کچھ حقائق

• دنیا بھر میں ہر نو ماہ کے بعد ایڈز کے مریضوں کی تعداد دو گنا ہو جاتی ہے۔

• افریقہ میں یہ بیماری سینکڑوں سال پہلے موجود تھی جو سبز بندروں سے پھیلی۔

• اس وقت دنیا پھر میں ایڈز کے مریضوں کی تعداد دو کروڑ سے زیادہ ہے۔ ان میں اکثریت خواتین کی ہے۔

• دنیا پھر میں ہر روز چھ ہزار سے زائد افراد اس بیماری سے متاثر ہو رہے ہیں۔

• ایڈز کا عالمی دن یکم دسمبر کو منایا جاتا ہے۔

• پاکستان میں اکتوبر 1993ء میں ایچ آئی وی پازیٹو کے مریضوں کی تعداد 251 تھی جو کہ 1998ء میں بڑھ کر 1262ء ہو گئی تھی۔

بشکریہ وکیپیڈیا

روشنی سے مرگی کا علاج

امریکی سائنس دانوں نے مرگی اور پارکنسن کے مرض کی کیفیت میں دماغی ہیجان کو معمول پر لانے میں مدد کے لیے ایک نیا اور مؤثر طریقہ دریافت کرنے میں کامیابی حاصل کی ہے۔اس نئے طریقے کے تحت دماغ کے کلیدی حصوں میں موجود مخصوص پروٹینز کو لیزر شعاعوں کے ذریعے متحرک کیا جاتا ہے۔

میسا چوسٹس انسٹی ٹیوٹ آف ٹیکنالوجی کے سائنس دانوں نے پھپھوندی اور بیکٹریا میں پائے جانے والے خلیوں سے سپر سائیلنسرز نامی مصنوعی اعصاب تیار کیے ہیں۔ آرک(اے آرکے) اور میک کے نام سے موسوم یہ خلیےروشنی کا اثر قبول کرنے والے پروٹین تیار کرتے ہیں جوروشنی کو توانائی میں تبدیل میں ان جراثیموں کو مدد دیتے ہیں۔
جب ان خلیوں کو دماغ میں داخل کیا جاتا ہے، تو وہ روشنی سے حساسیت رکھنے والے ایسے پروٹین تیار کرنے لگتے ہیں جو لیزر کی شعاعوں کا اثر قبول کرتے ہوئے دماغ کے ان مخصوص حصوں کے اعصابی خلیوں کو پرسکون بنانے میں مدد دیتے ہیں جو مرگی کی وجہ سے ہیجان میں مبتلا ہوتے ہیں۔
ایڈبائیڈن، میساچوسٹس انسٹی ٹیوٹ آف ٹیکنالوجی کے دماغ سے متعلق علوم کے شعبے میں پروفیسر ہیں۔ ان کی تحقیق سے یہ ظاہر ہوا ہے کہ مخصوص خلیے رکھنے والے اعصاب لیزر کی لہروں سے کس طرح متحرک ہوتے ہیں اور کس طرح اپنا کام روک دیتے ہیں۔ وہ کہتے ہیں کہ آپ ایک خاص وقت کے لیے روشنی کی ایک مخصوص مقدار کے ذریعے معمول کے مطابق کام نہ کرنے والے دماغی اعصاب کو اپنے کام سے روک سکتے ہیں۔ وہ کہتے ہیں کہ دوسری دواؤں کی نسبت اس طریقہ کار کے مضر اثرات بہت معمولی ہیں۔
بائیڈن کہتے ہیں کہ لیزر کی روشنی جینیاتی طریقے سے تبدیل شدہ دماغی خلیوں کو متحرک کرتی ہے، اعصاب میں برقی بہاؤ کی قوت کم کرتی ہے اور انہیں اس عمل سے روکتی ہے جو نارمل نہیں ہوتا۔
سائنس دان اب اعصابی ردعمل کا ایک ایسا نظام وضع کرنے کی کوشش کررہے ہیں جومرگی کے دورے کے باعث دماغ کے خلیوں کےغیر معمولی ہیجان میں مبتلا ہونے کے وقت حرکت میں آسکے۔ وہ کہتے ہیں کہ مثال کے طور پر ہم جن چیزوں پر کام کر رہے ہیں ان میں سے ایک الیکٹروڈ کے ذریعے دماغی کیفیات کا پتا لگانا ہے اور اس کے بعد صحیح وقت پر روشنی کی ایک مخصوص مقدار کے ذریعے دماغی بیماری کی صورت میں اسے کام سے روکنا ہے۔
بائیڈن کہتے ہیں کہ آنے والے دنوں میں ممکن ہے کہ ماہرین نئے آلات کی مدد سے مختلف رنگوں کی روشنیوں کے مصنوعی اعصاب پرظاہر ہونے والے ردعمل کی مدد سے دماغی اعصاب کے پیچیدہ نظاموں شناخت اورمرض کے حوالے سے اس کی درستگی کی صلاحیت حاصل کرلیں گے۔
وہ کہتے ہیں مثال کے طورپر تحقیق سے یہ معلوم ہوا ہے کہ پیلے رنگ کی روشنی آرک نامی خلیوں کو پرسکون کرنے میں مدد دیتی ہے جب کہ میک نامی مصنوعی خلیے نیلے رنگ کی روشنی کا اثر قبول کرتے ہیں۔بائیڈن کہتے ہیں کہ ہم اس حوالے سے کئی اور جانداروں پربھی تحقیق کررہے ہیں اور زیادہ سے زیادہ حفاظتی اقدامات اور طبی نقطہٴ نظر سے اسے زیادہ بہتر بنانے پر توجہ دے رہے ہیں۔
بائیڈن کی ٹیم نےروشنی کا اثر قبول کرنے والے پروٹینز کے ذریعے دماغی اعصاب کو پرسکون بنانے پر اپنی تحقیق کا آغاز جانوروں سے کیا تھا۔ روشنی کے ذریعے بیماری میں مبتلا انسانی دماغ کے علاج میں ابھی کئی منزلیں باقی ہیں۔ بائیڈن کہتے ہیں کہ کئی دوسرے ماہرین نئی اور بہتر ادویات کی تیاری کے لیے اس ٹیکنالوجی کا استعمال شروع کررہے ہیں۔
ایڈ بائیڈن اور ان کی ٹیم کی یہ تحقیق جریدے نیچر میں شائع ہوئی ہے۔
بشکریہ VOA

غصہ دل کی بیماری کاباعث بن سکتا ہے

تازہ تحقیقی انکشاف

طبی ماہرین کا کہنا ہے غصہ اور مخالفت کے جذبات، دل کی بیماری کے خطرے کی ایک ابتدائی علامت ہوسکتی ہے۔ مطالعاتی جائزوں کے ایک تجزیے سے ظاہر ہوا ہے کہ جن صحت مند افراد پر دل کا حملہ ہوا اورایسے لوگ جن میں ہارٹ اٹیک سے پہلے دل کی کسی بیماری کی علامتیں موجود تھیں، ان میں غصہ اور مخالفانہ جذبات ایک ابتدائی علامت کے طورپر پہلے سے موجود تھے۔
ماہرین کا کہناہے کہ ڈاکٹر غصے کی علامات کو دل کی بیماری کے لیے ایک ابتدائی علامت کے طورپر دیکھتے ہوئے مریض کو ان کے مزاج پر قابو پانے کا علاج تجویز کرسکتے ہیں۔ برطانیہ میں، جہاں تقریباً 25 لاکھ افراد دل کی بیماریوں میں مبتلا ہیں اور ہرسال لگ بھگ 94 ہزار افراد اس کی وجہ سے ہلاک ہوتے ہیں، وہاں یہ مرض اموات کی سب سے بڑی وجہ ہے ۔
خیال کیا جاتا ہے کہ موت اور دل کی بیماریوں میں اس تعلق کی وجہ لوگوں کا طرز زندگی ہے۔ مثلاً تمباکو نوشی، ورزش کی کمی، وزن کا بڑھ جانا اور غربت۔ یہ تمام عوامل انسان میں غصے اور مخالفانہ جذبات کو جنم دیتے ہیں جو دل کی بیماری کے خطرے میں اضافہ کرتے ہیں۔ برطانیہ کے یونیورسٹی کالج لندن کے ماہرین نے صحت مند افراد پر کیے جانے والے 25 اور دل کی بیماریوں میں مبتلا 18 مطالعاتی جائزوں کا تجزیہ کیا۔
یونیوسٹی کالج لندن کے وبائی امراض او رصحت عامہ کے شعبے کے ڈاکٹر یوئی چی چندا کا کہنا ہے کہ تجزیے سے یہ معلوم ہوا کہ ابتدائی طورپر صحت مند افراد میں غصے اور معاندانہ جذبات سے دل کی بیماری کے بارے میں 19 فی صد اضافے کی پیش گوئی کی جاسکتی تھی۔ جب کہ پہلے سے دل کی بیماری میں مبتلا افراد میں ان جذبات کے نتیجے میں اس بیماری 24 فی صد اضافہ ہوسکتا تھا۔
غصے اور معاندانہ جذبات کا دل کے امراض سے تعلق عورت کی نسبت مردوں میں زیادہ تھا۔ اس سے یہ ظاہر ہوتا ہے کہ روزمرہ زندگی میں ذہنی دباؤ کا اثرمردوں پر زیادہ ہوتا ہے، جس سے وہ مستقبل میں دل کی بیماریوں میں مبتلا ہوسکتے ہیں۔
نیدر لینڈ کی ٹل برگ یونیورسٹی کے ڈاکٹر جان ڈینولٹ کا کہنا ہے کہ یہ تجزیہ اس بارے میں مزید شواہد فراہم کرتا ہے کہ نفسیاتی معاملات دل کے امراض پیدا ہونے اور پہلے سے موجود دل کی بیماریوں میں اضافے میں کردار ادا کرتے ہیں۔ ان کا کہنا ہے کہ معالجین کو غصے اور معاندانہ جذبات کی علامتوں پر سنجیدگی سے توجہ دینی چاہیے اور ایسے مریضوں کو نفسیاتی علاج کے لیے بھیجنا چاہیے۔
کولمبیا یونیورسٹی میڈیکل سینٹر کی ایک ٹیم کو ایک اور مطالعے سے یہ معلوم ہوا کہ خواتین میں شدید ڈیپریشن ان میں دل کی بیماری کے خطرے کی ایک ابتدائی علامت ہوسکتی ہے۔ 63 ہزار خواتین پر کیے جانے والے مطالعاتی جائزے سے یہ ظاہر ہوا کہ شدید ڈیپریشن میں مبتلا خواتین، اور ایسی خواتین جو ڈیپریشن دور کرنے کی دوائیں استعمال کررہی تھیں ان میں اچانک حرکت قلب بند ہونے یا دل کی شدید بیماری کا خطرہ زیادہ تھا۔
تجزیاتی ٹیم کے سربراہ ڈاکٹر ولیم وہنگ کا کہنا ہے کہ ڈیپریشن میں مبتلا خواتین کے لیے یہ جاننا ضروری ہے کہ ڈیپریشن اور دل کی بیماری میں ایک ممکنہ تعلق موجود ہے۔ وہ کہتے ہیں کہ دل کے مرض میں مبتلا ہونے کا خطرہ زیادہ ہونے کی ایک وجہ یہ بھی تھی کہ شدید ڈیپریشن میں مبتلا خواتین میں خون کے زیاد ہ دباؤ، ذیابیطس، کولیسٹرول کی بلند سطح اور تماکو نوشی جیسی علامات بھی عام تھیں۔
برٹش ہارٹ فاؤنڈیشن سے منسلک جون ڈیویسن کہتی ہیں کہ ہمیں ابھی تک یہ معلوم نہیں ہے کہ غصے کا دل کی بیماری کے خطرے میں اضافےسے کیا تعلق ہے، لیکن ہمارا خیال ہے کہ ایسے افراد غیر صحت مندانہ طرز زندگی گذار رہے ہوتے ہیں مثلاً وہ تمباکونوشی کرتے ہیں یا غیر صحت بخش خوراک کھاتے ہیں۔ وہ کہتی ہیں کہ ہم یہ بھی جانتے ہیں کہ غصے اور مخالفانہ جذبات کی وجہ سے ہمارے جسم سے کچھ کیمیائی مادے خارج ہوتے ہیں جو دل کی بیماری کے خطرے کو بڑھا دیتے ہیں۔ لیکن ہم حتمی طورپر یہ نہیں جانتے کہ ایسا کیوں ہوتا ہے۔
ماہرین کہتے ہیں اکثر لوگوں کو کبھی کبھار غصہ آتا ہے، لیکن یہ کوئی خطرے کی علامت نہیں ہے۔ لیکن جب کسی شخص کو ایک طویل عرصے تک مسلسل غصہ آتا رہے تو اسے دل کی بیماری سے بچنے اور اپنی مجموعی صحت کے لیے اس کیفیت سے نکلنے کے لیے اپنے طرز زندگی میں تبدیلی لانی چاہیے۔
(ویب ایم ڈی سے ماخوذ(